Rech taqim ya’ik uchuq’ab’il ri b’anoj chajinem xuquje’ rech kaq’atexik ri e ajb’anol k’ax pa rachoch ri japache’ tz’apib’al rech ri qatinamit, rumal ri’ eri rajchajinelab’ ri comisarías xuquje’ ri unidades especializadas rech ri Wokajil Ajchajil Tinamit (PNC), ruk’ katob’anik ri q’atol tzij rech ri Ministerio Público (MP), kamik xkib’an jun tzukunem q’atenik pa le Granja Modelo rech Rehabilitación Pavón, Fraijanes, Iximulew.
Pa le tzukunem xb’an pa uk’u’x rachoch ri japache’ tz’apib’al, chi la’ xriqitaj wi jo’lajuj chi ch’aweb’alib’al eqam, wajxaqlajuj chi tarjetas SIM, b’elejeb’ k’olib’al Micro SD, waqib’ kamisab’al, kab’lajuj nojsab’al uq’aq’ ch’aweb’alib’al, keb’ rúters, jun esal rachib’al ya’olchajinem xuquje’ k’i jastaq k’olib’al ruk’ marihuana, ruk’ nik’aj chik jastaq k’o q’atb’al tzij chi rij, rumal are kakoj rech b’anoj k’ax ri’.
Eri Ministro rech Gobernación, Francisco Jiménez, sib’alaj xub’ij chi nim upatanib’al ri b’anoj tzukunem pa rachoch japache’ tz’apib’al, rech katerne’x uq’atexik ri toq’inik pwaq kumal ri elaq’omab’, rumal k’ut chi la’ qas kataq wi loq ub’anik b’anoj taq k’ax ri’.
K’ate ri’ xb’an jun nim tzukunem pa Runimal Rachoch ri Japache’ Tz’apib’al rech Fraijanes II, chi la’ che i xetas wi ri e kajib’ rajtaqanelab’ ri pandilla rech ri Barrio 18, ri e are k’u ri’ a Aldo Ochoa Mejía Dupié, “Lobo” q’ab’em ub’i’, a Saúl Eduardo Izep Vásquez, “El Vago” q’ab’em ub’i’; a Luis Yeferson Rosales Flores, “Mosca” q’ab’em ub’i’; a Eduardo Salvador González Velásquez, “El Lunático” q’ab’em ub’i’, ri xetasik maj e ajch’ab’el kech, maj koqxa’n kopanik, naj kitasik ri’.
Eri komon tzukunem ri’ are xb’anik rech tajin uq’alajisaxik jasche xkamisax ri ala ajb’ixonel ub’i’a Jorge Sebastián Pop, “Farruko Pop”, q’ab’em ub’i’ kab’ixik, rumal ri’ e k’o e kaq’o’ (800) kajilab’al e ajchajil tinamit rech ri uwokajilal ri PNC xetaq che utzukuxik, jeri’ kuk’ ri rajchajinel ri Grupo Élite rech ri Sistema Penitenciario (SP) xuquje’ kuk’ ri Binomios K-9, (are jun ajk’amal b’e xuquje’ jun Tz’i’ Eqa’lenel. Rumal ri’ eri q’atb’al tzij ketajin che utzukuxik rech kakiq’alajisaj ri b’anoj k’ax ri’.