Pa jun puqtzukunem xb’an pa jun nim k’ache’laj rech rulewal uq’ab’ tinamit rech Las Cruces, Petén ri’, eri reqa’lenelab’ ri Subdirección General rech Análisis rech Información Antinarcótica (SGAIA) uq’ab’il ri Wokajil Ajchajin Tinamit (PNC), xkiriqo xuquje’ xkiporoj ri jun nim peraj chi tiko’n awan kunb’al rech marhuana ri’.
Eri tzijol xuya loq ri SGAIA, xkib’ij k’ut chi k’o 13,370 chi raqan ichaj tiko’n rech marihuana nimirnaq chik xriqitaj pa jun puqtzukunem xb’antaj ri’. Are chi’ xriqitaj wari’, xya’ utzijolil, kumal ri q’atb’al tzij ri xkib’ij chi xkiporoj ri’ pa aninaqil ri tiko’n awan kunb’al ri’.
Eri rajil ri tiko’n awan kunb’al ri’ are kopan pa 13,370 ri urajilab’ ri’ are la’ xya utzijol kumal ri PNC, ri sib’alaj katajin kakib’an ri puqtzukunem chi la’ k’ut rech xkiporoj ri awan kunb’al ri’ xkiriqo.
Eri PNC sib’alaj xuya utzijol che ri puqtzukunem ri’ are la’ uwach ri cholchajinem katajin pa Amaq’ kumal ri K’amal B’e Iximulew, pa uchakunik ri Ministerio rech Gobernación, rech kaq’atexik ri nuk’molaj b’anol taq k’ax rech ri narcotráfico, pa taq ri k’ache’laj che ri sib’alaj k’ax kab’an wi ri okem chi la’ ri tikom wi ri awan kunb’al ri’.
Eri q’atb’al tzij sib’alaj xkiya utzijol che pa amaq’el kakib’an ri puqtzukunem ri’ rech uq’atexik taq ri molaj e’ajb’anol k’ax che ri kakitiko ri awan kunb’al pa rulewal amaq’ tinamit ri maj pa usaqilal ri’.