Pa rajilab’al tzijol k’a te xuya ub’ixik rumal ri División Nacional rech Q’atenik taq Pandillas (Dipanda) ri’ rech ri Wokajil Ajchajil Tinamit (PNC) sibalaj xkiya utzijol che pa le 21 pa le 29 rech enero ri’, xriq loq 72 chi ch’aweb’alil pa taq puqchajinem tzukunik xuquje’ xb’an 14 chi tzukunem pa kachoch winaq pa tinamit.
Jeri’ xechap e 30 chi winaqib’ pa taq toq’inik pwaq, rumal keqam k’aqb’alil xuquje’ e k’o 18 e tz’apilik pa japache’ xeq’alajinik. Xuquje’ xriq Q125 ri’, jun ch’ich’ kab’inisaxik, jun kejach’ich’ kejib’ raqan, jun k’aqb’al, ruk’ cocaína xuquje’ crack.
Pa le b’anoj tzukubnem e k’o ab’om xechapik ri xek’am b’i pa taq ri q’atb’al tzij rech chomab’al ab’om alitom ri keniman ta tzij.
Eri wokaj ajchajin tinamit xkib’ij chi e k’i kichapom chik taqom kichapik rumal taq ri q’atb’al tzij rech Mixco, Santa Catarina Pinula xuquje’ Villa Nueva, rech nimatinamit Iximulew; rech Izabal, Alta Verapaz, Sacatepéquez, Jalapa, Santa Rosa, Retalhuleu, Suchitepéquez xuquje’ rech Coatepeque, Quetzaltenango ri’.
Xuquje’ xilik kitzijol taq ri winaqib’ rech kaq’atexik uq’axik taq k’aqb’alil, ruk’ nik’aj chik jastaq maj pa usaqilal. Rumal ri’ eri q’atb’al tzij xkib’an jun sik’ininem chi ke ri winaqilal rech chakib’ij loq pa le 110 rech ri PNC xuquje’ pa le 1574 rech antiextorsiones.