K’o jun nim eqa’n rech marihuana xriqitajik kumal reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC), pa jun solinik ri xb’an kimik pa rachoch ri portuaria rech Santo Tomás rech Castilla, k’o pa Puerto Barrios, Izabal ri’.
Eri q’atb’al tzij, are chi’ xkisolij pa jun escáner jun kaxonach’ich’ ri reqam b’i pa ronojel 30 chi kaxon rech pimawuj, ri qaraj k’o 900 chi upajb’alil ri marihuana ri’. Eri uwujil ri eqa’n ri’, are kab’ixik rech taq chokonsab’al rech kemechakub’al, are ri taqim b’i kab’ixik pa le República Dominicana ri’.
Eri wokajil e’ajq’atenel awan kunb’al ri’ rech ri PNC, xkib’an retaxik rilik ri k’o chi upam taq le kaxon pimawujil, rumal ri’ xq’alajinik che are marihuana petinaq loq. Eri rajil qaraj kopan pa 3 millones chi pwaqilal ri’. E rajq’atol tzij ri MP xetob’an che usolixik.
Eri riqonik ri’ are uwach ri tzukunem tajin rumal le Wokom K’amal B’e Iximulew pa le uchakunik le Ministerio rech Gobernación (Mingob) rech ya’ik uchuq’ab’ ri chajinem winaqilal ri’ rech uq’atexik taq ri narcotráfico pa le rulewal ri nimatinami. Eri tzukunem chi rij ri’ sib’alaj katajin ri’ rech kasolixik kiwujil kitzijol ri winaqil ri kakitaqom loq ri nim eqa’n jastaq ri’.