Eri reqa’lenel rech ri Wokaj Ajchajinelab’ rech Q’atenel taq Pandillas ri’ (Dipanda) xuquje’ ruk’ ri reqa’lenel ri Subdirección General rech Investigación Criminal (SGIC) rech ri Wokajil Ajchajil Tinamit k’o jun tzukunem xkib’an pa le Granja Penal rech Pavón, Fraijanes, Iximulew ri’.
Pa le 3 rech septiembre, eri tzukunelab’ xkib’an jun tzukunik rech xkitzukuj ri awan jastaqil pa japache’ ri’.
Chi la’ k’ut xkiriq wi keb’ chi ch’ich’ jek’ib’al retal ch’aweb’al, 7 chi yab’al uq’aq’nil ri ch’aweb’al, 12 chi kolob’ch’ich’ rech ch’aweb’al, jun k’olib’al USB, jun micro SD, jun je’l k’olib’al, jun ch’ich’ q’axel tzij, rech reqam, 11 chi pusb’al ramib’al, 1 chi wach’ib’al marihuana 4 nimaq’ ch’ich’ rech reqaxik marihuana, xuquje’ 7 chi torob’al ch’ich’ ri’.
Eri tzukunem are sib’alaj tajiin kumal ri wokajil ajchajil tinamit pa amaq’elil, rech taqim uq’atexik ri awan jastaq q’alam ukojik rumal ri q’atb’al tzij xuquje’ ketajin che chajinem pa taq ri japache’. Xuquje’ are la’ uwach ri kaq’atexik ri e b’anol k’ax kakitoq’ij pwaq ri’.