Eri chak tzukunem xb’antaj kumal reqa’lenelab’ ri Departamento rech Investigación rech Delitos Finacieros xuquje’ Económicos ri’ rech ri Wokajil Ajchajil Tinamit (PNC) pa b’anoj tob’anik chi ke ri q’atol tzij rech ri Ministerio Público (MP) are la’ xub’ano rech xriqitaj ri awan jastaq rech k’ayij ri’. Eri puqchajinem are la’ xb’antaj pa le 16 rech julio ri’ pa zona 11 rech nimatinamit Chinab’jul.
Eri k’ayij jastaq ri’ are uwach ri xriqitajik k’o lecha, tzam, q’or, kuq ne’, chocolate, xab’on xuquje’ jastaq rech mes ch’ajib’al, ruk’ nik’aj chik, eri rajil are Q25 mil ri’. Eri jastaq rech k’ayij xriqik xk’am b’i pa le aduana rech ri Superintendencia rech Administración Tributaria (SAT) ri’.
Eri q’atenik ri awan jastaq rech k’ayij uquje’ xuquje’ ri elaq’nik aduanera ri’, eri ajchajinelab’ pa komonchak kuk’ ri reqa’lenelab’ ri Wokajil Ajchajil Amaq’ Tinamit xuquje’ ri reqa’lenel ri SAT, ketajin che puqchajinem tzukunik pa taq ri K’olib’al Ya’olchajinem pa Komon Taqawokajil (PCI) k’o pa taq krusb’e pa tinamit.
Pa le b’anoj tzukunem ri’ are rech kilik we man k’ot winaq taqom kichapik.
xuquje’ rech kilik we ri nima’q ch’ich’ we man keqam ta b’i awan jastaq k’ayij, ri maj pa usaqil kakik’am loq pa tinamit ri’, ri pa awalik.