Pawe q’ij ri’ eri Unidad Aérea rech ri Ministerio rech Gobernación (Unagob) xeb’e cha kaj pa xik’ach’ich’ ri’ pa le aldea La Laguna rech Jacaltenango, Chinab’jul, pa le k’olib’aj jastaq chakub’alil rech ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), k’o pa zona 6 rech uk’u’x nimatinamit, xriqitaj wi loq 119 chi upajb’alil cocaína are la’ xriq pa le tzukunem xb’antaj iwir pa jun ch’ich’ rech eqa’n. Eri xriqitaj ri’ eri rajil are Q12 millones 226 mil 268.25 ri’.
Eri Ministro rech Gobernación, David Napoleón Barrientos, xub’j ero b’anoj tzukumnik ri’ are la uwach ri xb’antajkumal ri wokaj ajchajinelab’ rech ri Taqawokajnem ri’ xuquje’ rumal ri’ Ministerio rech ri Defensa Nacional (MDN) pa le k’ulb’a’t juyub’ ruk’ México, chi la’ k’ut pa San Marcos xuquje’ Chinab’jul.
“Eri b’anoj chuq’ab’ chak ri’ are la’ katob’anik che ukub’isaxik ri chajinem winaqilal che ri e jaqal pa le k’ulb’a’t juyub’ pa amaq’il” xcha’ ri taqawokajnel.
Eri Taqawokajnel rech ri Ya’olchajinem pa Amaq’ xub’ij che ri komonchak xb’antaj ri’ rumal ri’ xb’antaj kowonem xechapatajik k’i winaq k’o ri k’ax kib’anom, wari’ are uwach ri Cbolchakunem ub’i’ Plan Interinstitucional xmajtaj ri’ rech utzukuxik uriqik awan jastaq xuquje’ pwaqil ri man k’ot pa usaqil upetib’alil.
“Man kaqaya taq uq’ij uj ri kakib’an ri molaj b’anol k’ax ri’ pa rulewal tinamit aj iximulew, eri ujtoq’ital rech kaqakub’isaj chajixik ri winaqilal. Eri chajinik ri’ are la’ kukub’isaj kik’u’x ri winaqilal pa rulewal qatinamit”, xcha’.
K’o xriqik, k’o xechapataj ri’
Are chi’ xmajtaj ri cholchakunem ri’ ub’i’ Plan Interinstitucional xb’an kumal ri wokajil ajchajil tinamit rumal ri’ e k’o k’i winaq xechap loq xuquje’ k’o k’i jastaq xriq ri’:
Pa le tzukunem ri’ xchapik: a Yordi Eduardo Pérez Hernández, 25 ujunab’, ri xchap pa le kilómetro 256.5, juyub’al rech Ayutla, San Marcos ri’, are chi’ b’enaq chi rij jun ch’ich’ reqam b’i Q77 mil 653.50, $1 mil 89 xuquje’ 550 pesos mexicanos ri’, maj uwujil tane’ xuk’utu. Pa ronojel eri xriqitaj ri’ are Q86 mil 085.75 ri’.
Pa le aldea María Linda de Malacatán, San Marcos ri’, xchap wi loq a Leonel Aníbal Cardona González, 43 ujunab’, are chi’ b’enaq chi rij jun kejach’ich’ reqam ri placas mexicanas 41APY1. Are chi’ xsolix kumal ajchajil tinamit, xriqitaj kajib’ nitz’ k’olib’al ruk’ cocaína ri’ rumal ri’ xchapataj ri ch’ich’ xriq wiri’.
Eri a Sergio Mardoqueo Díaz Morales, 25 ujunab’, xchapataj chi uchi’ ri Nimaja’ Río Suchiate pa Ayutla, San Marcos, rumal pa keb’ mul taqom uchapik rumal xub’an k’ax elaq’, eri q’atb’al tzij rech tinamit K’iche’, xutaq uchapik pa le 27 rech abril xuquje’ pa le keb’ rech agosto rech pa junab’ ri’.
Xuquje’ xchap a José María de León Luargas, 21 ujunab’, are chi’ b’enaq chi rij jun ukejach’ich’ maj ri uplacas reqam. Xriqitaj k’ut job’ chi nitz’ k’olib’alil ruk’ cocaína xuquje’ jun ch’aweb’al.
Are wa’ xb’antajik pa le uterenb’ex jun b’iw utzijol ri jun kejach’ich’ xeleq’axik chi la’ k’ut pa le 4 rech marzo pa Ayutla, San Marcos, xuquje’ xchap loq a Yeison Orlando Sales Díaz, 22 ujunab’ are chi’ xriqitajik utak’mim ri kejach’ich’ xuk’am b’i. Ri jun achi ri’ are chi’ xerilo xe’opan ri ajchajil tinamit chi rij xraj xkanimajik, man xkowon taj rumal pa aninaqil xchap kumal ri ajchajil tinamit.