Eri Binomio K-9 ri’ are juk’ulaj ruk’ uk’amol ub’e xuquje’ ri tz’i’ eqa’lenel ub’i’ “Pluto”. Xkowon che uriqik jun pisob’al ruk’ awan kunb’alil ri k’o pa taq ri k’olib’al jastaq ri’, k’o pa le Aeropuerto Internacional La Aurora (AILA), zona 13 ri’, k’o ri kataqon b’i pa Italia xuquje’ Estados Unidos ri’.
Eri chak ri’ are xb’antaj kumal ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) pa kato’ik ri Ministerio Público ri’ (MP), rumal ri’ xb’antaj kowonem xriqitaj ri awan kunab’alil pa le 21 rech septiembre ri’.
Eri “Pluto” are chi’ xopan chi la’ xusiqo xuriqo rech xuk’ut chi kuwach ri reqa’lenel antinarcóticos chi rij taq ri mltivitaminas, atz’iyaq xuquje’ pa kaxlanwa ri’ are oqxa’n taqib’al b’i. Pa le komon tzukunem kumal ri PNC kuk’ ri q’atol tzij rech ri MP xkisolij ri pisob’al ri’, ri xkiriq wi oxib’ nitz’ k’olib’al kachiyixik ruk’ ri cocaína ri’.
Eri kapajinik ri awan kunab’alil xriqitajik k’o 2.47 upajb’alil, eri rajil are Q32 mil 454.01 ri’.
Eri tzukunem q’atenik ri’ ruk’ wa’ kaq’alajinik ri chakunem ri’ tajin rumal ri K’amal B’e rech Iximulew pa le reqele’n ri ministerio rech Gobernación (Mingob) pa le uq’atexik ri narcotráfico xuquje’ ri nuk’wokaj b’anol k’ax pa nik’aj chik nimatinamit naj.