Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkib’an puqtzukunem rech xkiporoj tiko’nib’al rech awan kunb’al pa taq ri k’ache’laj rech Las Cruces, Petén, rech uq’atexik ri tiko’n poq’san awan kunb’al ri’ xuquje’ rech nimalaj kaq’atexik ri narcotráfico pa rulewal amaq’ tinamit.
Rumal ri puqtzukunem ri’ xb’antaj kowonem xriqitajik xporoxik 27,936 raqan ichaj tiko’n rech marihuana ri k’ayirinaq chik, eri rajil kab’ixik are kopan pa Q10,476,000.00 chi pwaqil ri’. pa el puqtzukunem ri’ eri wokajil ajchajin tinamit antinarcóticas rech ri PNC, xkib’an uporoxik ri tiko’n awan kunb’al ri’.
Eri rajilab’al ri tiko’n riqom ri’ are 6,461,172 chi raqan ichaj riqom pawe junab’ ri’. Pa ronojel ri’, xporox 3,959,269 chi raqan ichaj rech coca ri’; k’o 2,497,321 raqan ichaj rech marihuana ri’; xuquje’ k’o 4,582 ichaj tiko’n rech amapola ri’, ri nima’q chik raqan. Eri juntir katajin ub’anik ri’ are la’ rech keto’ik ri winaqil xuquje’ ri b’anoj chajinem pa taq ri xriq wi ri tiko’n rech awan kunb’al.
Eri b’anom ya’olchajinem taqom ub’anik rumal ri Wokom K’amal B’e Amaq’ pa reqale’n uchak ri Ministerio rech Gobernación (MINGOB) ruk’ wa’ kuk’utu che sib’alaj katajin ri chajinem ri’ kumal ri q’atb’al tzij rech pa kachajixik ri winaqilal pa konojel ri’, xuquje’ rech pa saqilal kab’an kaq’atexik ri nuk’molaj b’anol k’ax pa uwachulew ri’.