Eri reqa’lenel le Subdirección General de Investigación Criminal (SGIC) rech ri Wokajil Ajchajin Tinamit (PNC) pa komonchak kuk’ rajq’atol tzij ri MP, pa ronojel xkib’an 136 chi tzukunem xkib’an pa taq le rulewal tinamit rech Iximulew, Sacatepéquez, Quetzaltenango, Santa Rosa, Chimaltenango, Retalhuleu, xuquje’ Escuintla ri’.
Eri tzukunem ri’ are xb’anik rech taqim kaq’atexik nik’aj molaj b’anol k’ax kakitoq’ij pwaq xuquje’ ri kakib’an kamisanik, jeri’ xtaq kachapik nik’aj chik che ri maja’ kechapik xuquje’ rech ketzukuxik keriq loq ri awan jastaq ri’ rech q’alajisab’al ri tzukunik katajin chi kij rumal ri q’atb’al tzij.
Rumal ri’ eri wokajil ajchajin tinamit xkiya utzijol chi xechapik e 50 chi winaqib’, kuk’ kawinaqil ri jun pandilla rech ri Barrio 18 xuquje’ ruk’ uwinaqil ri jun Mara Salvatrucha (MS) kuk’ nik’aj chik. Eri nik’aj ajb’anol k’ax ri’ e’are kab’ixik kakib’an ri toq’inik pwaq, ri b’anoj k’ax pa molajil, ri xib’in taq winaq xaq katajin kumal.
Eri q’atb’al tzij xkib’an ub’ixik chi ke ri winaqil pa tinamit wexa’ k’o ri kax kakib’alo kab’anik chakib’ij b’a’ pa le 110 kuk’ ri PNC, pa le 1574 rech Antiextorsiones, pa le 1531 rech ri Centro Anticorrupción Policial, xuqje’ pa le 1577 rech Antinarcótica ri’. jachin k’ut kuya loq ub’ixik, pa aninaqil k’ut kab’an le rilik uchomaxik pa utzilem jikomal ri’.