Aretaq eri reqa’lenel ri Wokajil e Ajchajil K’ache’laj (DIPRONA) rech ri Wokajil Ajchajil Tinamit (PNC) ketajin che tzukunem ya’olchajinik ri’ rech uq’atexik b’anoj k’ax che ri che’laj xuquje’ ri awajil k’ache’laj, pa upatanixik ri cholchal ri’ No. 003-2020 «Chajib’al rech xuquje’ rech ula’wchixik ri Saqche’ xuquje’ ri Tillandsias pa uwexprex ri nimaq’ij alaxib’al ri’» pa le uwi nimajuyub’ rech Olintepeque, Xe’laju’ chi’ k’ut xkichap wi loq jun winaq ri’.
Eri tzukunem kumal ri ajchajil tinamit ri’ pa le nimab’e tz’aqim ri’ kab’e pa le tinamit rech San Carlos Sija pa le tinamit rech Olintepeque, Xe’laju’ chi’ k’u ri’ xkiq’atej wi jun ch’ich’ camión, placas C 787BNR, saq rij b’inisam rumal ri Rudy Ariz Calderón y Calderón ri’.
Eri ajchajil tinamit xkiya’ loq ub’ixik ri’ che pa le jun ch’ich’ rech eqa’n ri’ chi upam k’ut eri jun achi ri’ uk’amom wi b’i ri che’ e qupim chik; k’o si’ rech raxche’ e paq’atil chik, aretaq xb’an utzukuxik ri’, k’o waqxaqib’ chi etok’al rij xraqataj ri’.
Aretaq xta uwujil ri che’ si’ chi rech ri are; xaq xu’ wiri’ jun uwujil loq’oj rech pequeño contribuyente serie A no.01211″ k’o pa ub’i’ ri Madera Tecun», pa le wujil ri’ tz’ib’atal wi kab’lajuj chi eqa’n si’ ri’, eri wujil ri’ man kub’ij taj are uwuj jun ch’ich’ eqa’n si’ ri’ xuquje’ are che’ qupim chik ri si’ reqam ri’ maj pa usaqil ri’.