Are chi’ xk’ul loq jun ub’ixik utzijol jun ixoq 27 ujunab’ xk’am b’i kab’ixik pa le aldea La Francia, rech Morales, Izabal, eri reqa’lenel ri Comisaría 61 rech ri Wokajil Ajchajil Tinamit (PNC) xkimaj utzukuxik ri ixoq, rech pa aninaqil xkichapo ri xek’amoj b’i rech. Pa aninaqil k’ut xq’ansax ub’ixik pa le Alerta Isabel-Claudina ri’.
pa uterne’xik, eri wokajil ajchajil tinamit xkichap loq jun achi ub’i’ a Juan Gilberto Jácome Sagastume, 28 ujunab’, pa le aldea Puente Diez, Los Amates, Izabal ri’. Ri jun achi ri’ kab’ixik ruk’ jun chik, katijom tzam are chi’ xkeleq’aj b’i le jun ixoq pa jun ch’ich e b’enaq wiri’. Le ixoq ri’ kaminsaq chik are chi’ xriqitaj pa nimaq’ab’ ri’ pa jun k’ache’laj rech La Cruz de Chilló, rech ri wokja chi la’.
Eri wokajil ajchajil tinamit xkib’an k’i taq puqchajinem rech xkitzukuj pa le juyub’ tinamit chi la’, rech xchapik ri ukab’ ajb’anol k’ax chi rech, jeri’ kab’ixik xchap jun ch’ich’ xuquje’ jun k’aqb’al ri kab’ixik are xkoj pa le kamisanik ri’.
Eri a Jácome Sagastume xk’am b’i pa q’atb’al tzij ri’ rech kaqaj pa q’atoj tzij pa uwi rumal le q’atb’al tzij, rech kachomaxik. Rumal ri’ sib’alaj tajin ri tzukunem q’alajisan le rilik,