Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkichap ri jun extraditable ukojomb’i’aj chech le “Chispa”, are chi’ xb’an ri jun puqchajinem tzukunik pawe q’ij kimik pa jun nim achochib’al, k’o pa Fraijanes, Iximulew ri’.
Are ri’ ri jun colombiano ub’i’ a Víctor Hugo Moreno Andrade, 34 ujunab’, ukojomb’i’aj chech le “Chispa”, ri taqom loq uchapik rumal ri nimaq’atb’al tzij ub’i’ Corte Distrital rech ri Estados Unidos rech Distrito Este rech Texas, rumal xub’an ri awan kunb’al xuquje’ rech xuk’ayij job’ chi upajb’alil ri ujuyum ruk’ jun chik awan kunb’al ri’, ri k’o ri cocaína ruk’ ri’.
Xuquje’ rumal xub’an ri awan kunb’al ri’ xuquje’ ri xutaq b’i pa uk’ayixik ri xalam ruk’ jun chik awan kunb’al, ruk’ ri cocaína ri’. Ruk’ ri uchapik ri’, e k’o chik e 29 chi extraditable e chapom chik pawe junab’ ri’. Pa konojel ri’ e k’o chik e 16 e chapom chik rumal e k’o kuk’ ri narcotráfico xuquje’ kuk’ e oxllajuj ri kib’anom kimak ri’.
Eri q’atb’al tzij xkib’ij, pa le tzukno’jchak ri’ xch’ob’ uwach jun molajil kub’an pa awalik ri q’axenik awan kunb’al ri’, ri e’are xkitaq uk’amik loq k’i awan kunb’alil rech cocaína pa rulewal nimatinamit estadounidense ri’.
K’a pa le Sudamérica, Centroamérica xuquje’ pa Norteamérica ri kakitaq wi ri awan kunb’al ri’.
Eri Moreno Andrade are kub’ij che ri uk’amik ub’e ri chakunem ri’, rech xkiq’axe’j b’i xuquje’ rech pa kemonchak xkitoq’ij ub’anik ri q’axen awan kunb’al loq k’a pa Colombia, pa iximulew, xuquje’ nik’aj chik nimatinamit pa rulewal tinamit ri’.
Xuquje’ qaraj are uwinaq ri qas chakunel rech ri jun wokajil k’a pa 2016 ri’ k’a pa le ik’ julio rech pa junab’ ri’.