Eri ri Comisaría 12 rech ri Wokajil Ajchajil Tinamit (PNC) xkitzuj loq che pawe 8 rech octubre ri’ xchapataj jun kamisanel rech ri Barrio 18, are chi’ xk’is roqatexik kumal ajchajil tinamit pa le colonia Óscar Berger, zona 18 rech nimatinamit.
Eri xchapik are ri’ a César Augusto Segura Chávez, 35 ujunab’, are kab’ixik xub’an jun xe’uk’aqp keb’ ixoqib’ pa le colonia Pinares del Norte, ri k’o pa le wokja ri’. are chi’ xchap kumal ri q’atb’al tzij xriqitaj jun k’aqb’al ruk’.
Eri winaq b’anol k’ax ri’ kab’ixik k’o kamisanik ub’anom. Rumal ri’ kab’ixik xk’oji pa japache’ tz’apib’al pa le 25 rech septiembre rech 2007 k’a pa le 28 rech octubre rech 2022, are chi’ xtor loq pa japache’.
Eri q’atb’al tzij xkitzuj che ri k’aqb’al ri’ are xk’am b’i rech katzukux utzijol pa juntir rech kilik we man kojom taj pa taq le nik’aj chik b’anoj k’ax ri’.