Eri reqa’lenelab’ le Subdirección General rech Investigación Criminal (SGIC) rech ri Wokajil Ajchajil Tinamit (PNC) xkichap loq e job’ chi kamisanelab’ e’uwinaqil ri pandilla rech ri Barrio 18 ri xechap loq pa taq tzukunem xb’an pa komonchak kuk’ ri q’atol tzij rech ri MP, pa jalajoj kik’olib’al winaqilal rech ri uk’u’x nimatinamit rech Iximulew, rech Villa Nueva, rech Santa Catarina Pinula, rech San Miguel Petapa, rech Villa Canales, xuquje’ rech San José Pinula ri’.
Eri nik’aj winaqil xechapik xch’ob’ kuwach e’are k’ut a Edgar N, 21 ujunab’; al Astrid N, 30 ujunab’; a Josué N, 32 ujunab’; a Marvin N, 35 ujunab’; xuquje’ a Kevin N, 32 ujunab’, eri kimak kab’ixik kimulim kib’ xkib’an ri k’ax, k’o winaq kikamisam, k’o xkinawilij kikamisaxik, k’o xkitaqo kikamisaxik, k’o elaq’ xkichomaj xkib’ano xuquje’ nik’aj chik b’anoj k’ax xkib’an ri’.
Pa taq le tzukunem ri’, eri wokajil ajchajil tianmit xkiriqo xkichap loq keb’ kejach’ich’, oxib’ chi b’insal ch’ich’, jun chi kech ri ch’ich’ xkikoj pa jun b’anoj k’ax kamisanik. Xuquje’ k’o jun k’aqb’al xriqitaj loq, k’o keb’ yab’al uq’aq’ ch’aweb’alib’al, k’i kemetob’chak ruk’ nik’aj chik jastaqil ri’ kak’aq utzukuxik uwach ti’ rech kaq’alajisax ri xekoj wiri’.
Eri tzukunem chi rij k’ut, rech xuq’alajisaj che ri nik’aj winaq ri’ kab’ixik e are xkik’aq jun achi pa le 17 rech abril rech 2024, chi uwach le katak’ib’ wi le Transmetro, k’o pa le 15 avenida xuquje’ 11 calle, zona 13 rech uk’u’x nimatinamit, je jas ri’ ri nik’aj chik b’anoj k’ax, xb’an pa El Progreso ri’, xuquje’ pa Rulewal Qajib’al Q’ij rech ri tinamit ri’.