Eri reqa’lenelab’ le Centro Antipandillas Transnacional (CAT) rech ri Wokajil Ajchajin Tinamit (PNC), xkib’an iwir utz k’i tzukunem pa le colonia La Reinita, zona 6 rech uk’u’x nimatinamit, rech xkichapo jun molaj b’anol k’ax kib’i’ “Breake Dance 33 BKS33”, eri jun chi ke ri nab’e molaj e b’anol k’ax xkimaj ub’anik ri k’ax pa Iximulew ri’ e’are k’ut xe’ok pa le Pandilla rech ri Barrio 18. Are jun ri MP pa le kichapik.
Rumal k’u ri’ xb’antaj kowonem xechap e’oxib’ chi e’ajb’anol k’ax. Eri jun nab’e xchapik are a Fredy N, 42 ujunab’, ri reqa’m jun k’aqb’al q’aq’, jun raqarik k’aqb’al q’aq’, jun carabina, oxib’ yab’al uq’aq’ uchuq’ab’, 24 ub’aq’ k’aqb’al ruk’ oxib’ ch’aweb’alil rech keqaxik.
Eri ukab’ chi ke are ri’ a Marlon Michael N, 36 ujunab’. Are chi’ xchapik xriq job’ k’olib’al k’o uq’aq’al ruk’ marihuana, jun DVR rech b’anoj videovigilancia, jun ch’aweb’al ri katzukux ronojel utzijol ri’ rech kilik jas/su le upetik.
Eri uk’isb’al xchapik, are ri’ jun achi ub’i’ a Adrián De Jesús N, 31 ujunab’. Ri k’o jun wuj k’olib’al ruk’ marihuana, jun k’olib’al ruk’ awan kunb’al rech crack xriq chi upam, jun tub’ub’al rech katub’ux ri cannabis, ruk’ wuqub’ chi ch’aweb’al xuquje’ Q2,226. Chi pwaqil. Kab’ixik eri pwaq ri’ are rajil ri awan kunb’al k’ayim ri’.
Eri División Nacional rech Pandillas (DIPANDA) rech ri PNC, utz’ib’am ri’ che ri jun molaj b’anol k’ax ri’ xsach uwach, k’a pa k’i junab’ ri’ eri uwinaqil xekanimaj b’i pa Estados Unidos rech América rech sib’alaj xkiwaj kib’ che ri q’atb’al tzij aj iximulew.