Eri reqa’lenel le Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) xkichap jun achi are ri ub’i’ Roberto N, 48 ujunab’, ri q’ab’em ub’i’ “El Gordo” xuquje’“RC”, are xq’atexik are chi’ xb’an jun nim tzukunem pa le kilómetro ruta CA-1 Oriente ri’.
Eri jun achi xchapik ri’ are taqom loq uchapik rumal le q’atb’al tzij rech ri Estados Unidos rech América ri’ rumal eri umak k’o job’ upajb’alil ri cocaína xuk’ayij b’i pa le nimatinamit naj ri’.
Le ministro rech Gobernación, Francisco Jiménez xuya ub’ixik pa le rachib’al uwuj rech X che ri jun achi ri’ xchapik rumal are chi’ xtzukux rij kumal ri reqa’lenel ri antinarcóticas rech ri PNC. Eri “Alias “Gordo xuquje’ RC” pa aninaqil b’a’ kataq na b’i ri’” xcha’ le nim patanel.
Are chi’ xchapik, ri a Roberto N xk’am b’i pa le Torres rech Tribunales ri’, chi la’ k’ut xq’at wi tzij pa uwi ri’ rech kachomax chi la’. Ruk’ le uchapik ri’, e k’o job’ chi achijab’ e chapom chi b’i pawe junab’ ri’. E’are wari’ e keb’ e chapom b’i rumal e uwinaqil ri narcotráfico ri’ xuquje’ eri oxib’ chik nik’aj chik ri kimak ri’.
Pa le puqchajinem ri’ xk’ut le uchak upatan tajin rumal le Wokom K’amal B’e nimtinamit Iximulew ri’ pa le reqa’lenik le Taqawokajil Ya’olchajinem pa Amaq’ ub’i’ (MINGOB) rech uq’atexik ri e’ajb’anol k’ax e k’o ruk’ ri narcotráfico ri’, le kakib’an k’ax ch’ijom chak chi kech ri winaqil ri’, rech uq’atexik ri k’ayin awan kunb’al ruk’ nik’aj chik b’anoj k’ax pa wokajilal ri’.