K’o jun nimalaj puqil chi reqa’lenelab’ ri Wokajil Ajchajin Tinamit (PNC) xetaq iwir che kachajixik ri nim etz’anem chi kiwach ri E’ajetz’anelab’ chi kiwach ri Iximulew ruk’ ri El Salvador, pa umajik ri urox nim etz’apotz’/etz’an k’olaj rech ri Confederación rech Norteamérica, Centroamérica xuquje’ ri Caribe rech Futbol (Concacaf), rech keb’e ri’ pa le Mundial 2026, eri etz’anem ri’ are kab’an pa México, Canadá xuquje’ Estados Unidos rech América ri’.
Eri wokajil ajchajin tinamit xkib’an ri kachajixik ri winaqilal e’aj iximulew che ri xkinojisaj ri Estadio Cementos Progreso, ruk’ ri ti’xar, saq rilik ri katz’iyaqb’al ri keb’ uka’yil rilik ri’.
Xuquje’ xkib’an chajinem che kaqan xuquje’ xechajin chi rij taq kejach’ich’ ri’ rech xkichajij pa ri k’olib’al xb’an ri nim etz’anem ri’.
Eri b’anon chajinem ri’ xuquje’ xb’an pa ri Uwach Nim Rachoch Amaq’ Nimatinamit, jeri’ pa taq ri K’olib’alil Etz’anem ri’ rech Marte, Gerona, Erick Barrondo, Campos rech ri Roosevelt, xuquje’ ri Parque de la Paz “Carlos El Pescadito Ruiz”, chi la’ k’ut xekoj wi ri nima’q taq ilowach rumal ri Wokom K’amal B’e Amaq’ Nimatinamit chi la’ k’ut kakilo wi ri winaqil e’aj iximulew che ri ke’opan che le rilik ri nim etz’anem ri’, chi la’ k’ut ri E’etz’anelab’ rech qatinamit xel kanoq 0 chech ri 1 chi kiwach ri aje’tz’anelab’ e’aj salvadoreña ri’.
Xuquje’ eri reqa’lenelab’ ri División Especializada rech Investigación Criminal (DEIC) rech ri PNC, pa kemonchak kuk’ taq rajq’atol tzij ri MP, ri xkiterne’j rilik ri b’iw ub’ixik chi ke chi rij taq ri elaq’nik xb’an pa ri uk’ayixik ri man tzij wujil xk’ayix ri’. Eri winaq are chi’ xkaj xe’ok pa rilik ri etz’anem ri’ e’are xeleq’ax ri kipwaq chi rij ri wuj xkiloq’o, are chi’ xb’an le rilik pa le okib’al, chi la’ xq’alajin wi che ri wuj ri’ xa’ rech elaq’am uwach.
Eri q’atb’al tzij xkib’an jun kasik’ixik ub’ixik chi ke ri winaqilal xaq’ xu’ kakiloq’ wiri’ pa le plataformas oficiales ri’ xuquje’ man pa nik’aj chik k’olib’al che ri xaq kojom ri’ pa uwachwuj pa kaqiq’, rech man k’ot jun winaq tane’ ke’elaq’ chi rij wari’. Sib’alaj katajin utzukuxik uwach ri’ rech katerne’x uq’atexik b’anoj elaq’ ri’ rech kach’ob’ik rech kechapik ri winaq e’elaq’omab’ chi rij wari’.