K’o jun nim riqon awan kunab’alil xb’an pa Escuintla rumal ri Taqawokajil Amaq’

Eri puqchajinem xb’an kumal reqa’lenel ri Subdirección General rech Análisis rech  Información Antinarcótica (SGAIA) ri’ rech ri Wokajil Ajchajil Tinamit (PNC) kuk’ reqa’lenel ri Wokajil Ajchajil Amaq’ Iximulew pa le k’isb’al taq q’ij ri’ pa Puerto Quetzal, Escuintla, are la’ xuya pa retalil xb’antaj kowonem xb’an jun nim kaq’atexik ri narcotráfico ri’ pa rulewalil tinamit, ruk’ wa’ kakub’isax ri ya’olchainem pa amaq’il ri’.

Pa taq ri kaxonach’ich’ upetik loq Costa Rica xriq wi 630 chi pisoj ruk’ cocaían ri’, pa ronojel k’o 728 chi upajb’alil ri’. Eri eqa’n chi awan kunab’al ri’ eri rajil are Q74 millones 795 mil 994 chi pwaqil ri’. Are la’ xriq pa le b’elejeb’ q’ij xuquje’ chaq’ab’ rech ri julajuj q’ij rech febrero ri’, pa taq ri tzukunem xb’an kumal ri Binomio K-9, pa kik’ulajil ri tz’i’ eqa’lenel ub’i’ Ery.

Eri Ministro rech Gobernación, Francisco Jiménez ri’, sib’alaj xuya ub’ixik rumal k’ut xb’an jun nimalaj puqtzukunem q’atenik ri’ rumal k’u ri’ pa jun ik’ ri’ k’o nim uq’atexik ri narcotráfico xb’antajik; xuquje’ sib’alaj xub’ij che nim upatanib’al xq’ateexik ri awan kunab’alil rech ke’opan taj pa kaq’ab’ ri ab’om alitom rech pa tinamit ri’ rumal wa’ are la’ jun upatan tajin che ub’anik ri K’amal B’e Amaq’ Bernardo Arévalo rech uq’atexik ri k’axk’olil ri’.

Rumal ri’ eri Quinto Viceministro rech Antinarcóticos, Werner Ovalle, xuya nab’ejsaj ub’ixik ri k’extajem tajin pa uq’atanik ri ukab’ taqawokajnel ri’, pa utaqixik uq’atexik ri narcotráfico ri’, xuquje’ rech uq’atexik ri awan k’ayib’al jastaq, ruk’ ri elaq’nik pa taqawokajil xuquje’ ri ch’ijom k’ax chi kech ri winaqib’ pa taq ri k’ulb’a’til pa rulewalil aj iximulew ri’.

Are chi’ xriqitaj ri pisom awan kunab’alil, xtaq uq’axexik pa xik’ach’ich’ rech Unidad Área rech ri Ministerio rech Gobernación (Unagob) k’a pa taq ri k’olib’al jastaq rech ri SGAIA rech ri PNC, ri k’o pa le zona 6 rech runimal nimatinamit, rech kab’an utzukuxik uwach rech kach’ob’ jas le upetik wiri’ rech te k’u ri’ kataq uporoxik. Are wa’ ri chak tajin pa kemon taqawokajil are jun k’utub’al ri patan tajin ub’anik kumal ri wokajil ajchajil tinamit rech pa kek’oji pa joremal jikomal ri winaqilal, xcha’ ri Taqawokajnel rech ri Ya’olchajinem pa Amaq’.

Ultimas noticias

Alerta de Corrupción