Pa qajib’al q’ij pa viernes 14, eri reqa’lenel ri Subdirección General rech Análisis rech Información Antinarcótica (SGAIA) uq’ab’il ri Wokajil Ajchajil Tinamit (PNC), xkichap winaq e aj iximulew, reqam b’i jun Q1 millón 227 240.25 chi pwaqil maj uwujil ri’.
Eri ch’ich’ xsolixik are jun alaj camioneta, marca Toyuota, eri uplakas rech kab’inisaxik are P 206GYG, b’inisam rumal ri a José Emanuel Asencio Valdez, ri utak’ab’im pa jun k’ayib’al rech gasolina, k’o pa le barrio El Porvenir, Sayaxche, Peten ri’.
Ri tzukunik rech xto’ik ri Ministerio Público (MP), rumal ri’ xriqitajik 24 chi pisob’al k’olib’al pwaq ri’; rumal ri’ xchapik xk’am b’i ri jun achi ri’ a Asencio Valdez pa Q’atb’al Tzij ri’.
Awan jastaq rech k’ayij
Eri reqa’lenel ri SGAIA, xkichap loq jun achi ub’i’ César Emilio Alvarado Salza, ajb’inisal rech ri alaj ch’ich’ camioneta CR-V Placas P 886JFB, pa le kruxb’e rech Aguacatal, aldea Madre Mía, San Pablo Jocopilas, Suchitepequez ri’, rech xb’an chi la’ jun solinik tzukunik rumal ri’ xriq nik’aj awan jastaq ri’.
Are chi’ xajilaxik xriqitaj 482 chi k’olib’al ri’, pa ronojel xriqitaj ri’ 9 mil 640 chi sik’ rech pa awalik kak’ayixik.
Eri q’atb’al Tzij rech ri Taqawokajnem Ya’olchajinem pa Amaq’, xub’an kasik’ixik ri winaqilal rech xub’ij chi ke, chakib’ij loq pa awalik pa le 1577 we k’o k’ax kakilo kab’an ri’.