Eri reqa’lenel ri Comando Antisecuestros rech ri Wokajil Ajchajil Tinamit (PNC) xkito’ jun al 14 ujunab’ xuquje’ xkichap loq nik’aj winaq xek’amoj b’i rech ri are man k’ot keb’ q’ij tane’ xok’owik utz uwach xriq loq, are chi’ xtotaj ri xk’ulmaj. El puqchajienm chi rij wari’ xb’an pa le kilómetro 102 ri’, pa okib’al rech le caserío Patzaj, juyub’al rech San Antonio Palopó, Tz’oloja’.
Eri nik’aj xechapik e are wa’ nik’aj winaq ri’ a Juan N, 48 ujunab’, xuquje’ al Florinda N, 49,ujunab’ e’are kab’ixik xkichap b’i kuk’ ri jun q’apoj ala, ri xkitoq’ij Q500 mil chi pwaqil chi rij rech kakitzoqopij loq. Eri a Juan eri umak kab’ixik xa’ kuya ta rajil tzuqub’al kib’ ri rumi’al e ralk’uwal, pa le 13 rech mayo rech 2021.
Pa le puqtzukunem ri’, eri wokajil ajchajin tinamit xkiriq loq k’i kuchub’al jolom kuchub’al palaj, k’olib’al rech keqaxik, k’i k’olob’, k’i sub’al q’ab’ sub’al chi’ xuquje’ oxib’ ch’aweb’al ri’. Eri jastaq ri’ xk’am b’i kumal q’atb’al tzij rech kakitzukuj uwach pa juntir ri’. Eri keb’ winaq ri’ xek’am b’i pa q’atb’al tzij rech kaq’at tzij pa kiwi chi rij ri k’ax xkib’ano.
Eri q’apoj ala ri xk’am b’i kumal nik’aj b’anol k’ax pa le 8 rech abril, are ri’ sib’alaj xto’ik pa aninaqil kumal le Comando Antisecuestros. Ri te k’uri’ xjach b’i pa kaq’ab’ ri e rachalal. Rumal k’ut x’o ri xuya loq utzijol ub’ixik ri’ are la’ xuya pa retal rech xmaj utzukuxik ri’ xusquje’ rumal ri’ xb’antaj kowonem rech xechap loq nik’aj e’ajb’anol k’ax ri’.