Pa uwi le nimab’e ub’i’ ruta Interamericana kab’e Chimaltenango, paq’ij 31 rech agosto ri’ eri reqa’lenel ri Subdirección General rech Investigación Criminal (SGIC), rech ri Subdireccion General rech Análisis rech Información Antinarcótica (SGAIA) xuquje’ Interpol-Guatemala rech ri Wokajil Ajchajil Tinamit (PNC) xkichap loq jun achi ub’i’ Daniel Alejandro Guzmán Rodríguez xuquje’ a Alfredo Monterrosa Ramos, 52 ujunab’, ri kab’ixik rumal xkib’an k’ayin awan kunab’al ri’ tqom loq uchapik kumal ri q’atb’al tzij rech utinamit El Salvador ri’, rech kataq b’i chi la’.
Are chi’ xchapik, eri jun winaq ri’ Monterrosa Ramos b’enaq pa le uch’ich’ ruk’ ri placas rech kab’inisaxik P 268JRN, chi upam rich’ich’ ri’ xriqitaj wi jun k’aqb’al, keb’ k’olib’al ruk’ kajlajuj ub’aq’ k’aqb’al xuquje’ oxib’ ch’a’web’alib’al.
Pa le puqchajinem tzukunik kumal e ajchajil tinamit pa aninaqil xb’antaj kowonem xchapik ri jun a Monterrosa Ramos, ri kab’ixik xq’alajinik chi taqo loq uchapik rumal le Q’atol Tzij K’amal B’e rech ri Uro’ Nimaq’atb’al Tzij rech Q’aton Tojb’al Mak, rech Q’ateb’al Awan Kunab’alil xuquje’ rech Q’ateb’al B’anoj K’ax pa Tinamit rech Rulewal le Nimatinamit Iximulew, pa le 28 rec agosto rech ri 2024, ri xuya jun nim ub’ixik Roja Activada chi kij ri’ rumal ri katinamit.
Ronojel ri xriqik xel kanoq pa uq’ab’ ri Fiscalía rech Delitos Transnacionales, rech Iximulew.