Eri b’anoj ri puqtzukunem chajinik ri’ are la’ tajin ub’anik kumal ri Wokajil Ajchajin Tinamit (PNC) pa taq jalajoj k’olib’alil pa amaq’ tinamit, rumal ri’ xb’antaj kowonem xchap loq jun achi ri reqam b’i k’ilaj taq ch’aweb’alil ri maj uwujil ri’.
Eri b’anow puqtzukunem ri’ are la’ xb’an pa le kilómetro 198 rech le ruta CA-2, juyub’al rech El Asintal, retalhulew, chi la’ eri reqa’lenelab’ le comisaría 34 e’are xkichap loq jun achi ub’i’ a Patrick “N”, 23 ujunab’, are kab’ixik ub’insam b’i jun ch’ich’. Pa le solinem ri’, eri e’ajchajin tinamit xkiriq pa jun ch’ich’ 152 chi ch’aweb’alil rech keqaxik, ri maj uwujilal rech kuq’alajisaj tane’ jas le upetib’al ri’.
Are chi’ xriq loq, pa kemonchak kuk’ ri e’ajchak rech aduanero rech ri Superintendencia rech Administración Tributaria (SAT) xuquje’ kuk’ ri q’atol tzij rech ri Ministerio Público ri’, e’are xkajilaj ri rajilab’al ri’, eri rajil are xopan pa Q179 mil 610 ri’.
Ruk’ tzukno’jchak xkib’an ri ajtzukunelab’ chi rij ri’, xkib’ij che ri ronojel ri jastaq ri’ qaraj pa México upetik wi loq ri xok loq pa rulewal amaq’ tinamit ri maj tojom pwaq xb’an tane’ chi rij ri’.
Eri jastaq pa ronojel ri’ are xukoj b’i kumal ri q’atb’al tzij chi rij ri’, emu wa’ katajin uq’alajisaxik uwach ri’ rech kaq’alajisaxik jachin winaq ajmak chi rij wari’ xuquje’ rech kilik kuwach nik’aj chik molaj b’anol k’ax rech taq awan k’ayin kunb’al.
Eri PNC xub’ij che ruk’ wa’ kuk’ut uwach ri reqale’xik ri b’anoj chak ri’ rech kaya’ uchuq’ab’ pa kemonchak kumal ri taqawokajil rech uq’atexik taq ri k’ax ri’ che ri kub’an k’ax chi re ri poq’san pwaq meb’il pa rulewal amaq’ tinamit xuquje’ rech kakub’isax unimaxik uwach ri taqanem ri’.