Eri Departamento rech Tránsitoo ri’ rech ri Wokajil Ajchajil Tinamit (PNC) xkib’an k’i puqchajinem rech seguridad vial ri’ rech uq’atexik ri b’anoj opanriqonem pa awalik kumal e’ajb’inisal ch’ich’, rumal kakiya k’a k’axk’olil kik’aslemal ri winaqil pa le nimab’e pa tinamit. Eri chajinem ri’ are tajin ub’anik pa taq le q’ij, che ri kakib’an ri opanriqonem pa awalik kumal e’ajb’insal ch’ich’ pa taq nimab’e.
K’a pawe q’ij ri’, eri e ajchajinel rech nimab’e k’o 169 chi puqchajinem tzukunik kib’anom pa taq nimab’e xuquje’ pa taq tinamit. Pa le chajinem ri’, kilom chik 871 kiwujilal e’ajbinsal ch’ich’ rech xkilo we k’o pa usaqil ri’ we man k’ot taqom kichapik. Xuquje’ kisolim chik 869 chi ch’ich’ xuquje’ kejach’ich’ ri e nimaq’ keb’inisaxik, ri kakipetisaj k’ax pa taq nimab’e.
Rumal ri’ k’o 745 chi tojb’al xoksax chi kij ri e’ajb’insal ch’ich’ ri xkib’an kimak pa uq’ab’ ri Taqanem rech K’utb’e. Ronojel ri kimak ri’ are we man k’ot le placas keqam tane’, rumal we man kakojom taj ri tob’al kajolom, rumal we man keqam ta kiwujil rech b’insal ch’ich’ pa tinamit, jeri’ rumal we qa katoror uqul le kich’ich’ ri’.
Eri komon chajinem pa wokajilal ri’ kuk’ ri winaqilal pa taq le nimab’e pa tinamit are ri’ qas kub’an upatan rech kaq’atatajik ri riqon k’ax pa taq nimab’e ri’ are la’ kuya kub’al k’u’x pa tinamit ri’. Ya’tal le 110 chi paq’ij chaq’ab’ rech kech’a’w loq ri winaqil ri’, rech kakib’ij loq chi ke ri q’atb’al tzij ri k’ax kakilo kab’anik.