Are rech b’a’ kaya’ uchuq’ab’ ri kichakunik ri Wokajil Ajchajil Tinamit (PNC) xb’an uchomaxik rech xsolixik, rech kak’exik ri kichakub’alil ri wokajil chajin tinamit, rech k’o ri kijastaq kichakub’al ri rajwaxik kakikojo rech pa le chajinem, pa le kachajixik ri winaqilal xuquje’ ri chainem pa rulewal tinamit.
Pa le Comisaría 12 de la PNC kamik xmajtaj ujachik ri jastaq chakub’al rech kakikoj pa le chajinem q’atenik kumal ri e 1 mil 400 chi reqa’lenel chajin tinamit keriqitaj pa rachoch chajinem ri winaqilal rech taq ri zonas 6, 17 xuquje’ 18 rech uk’u’x nimatinamit, jeri’ pa San Pedro Ayampuc, pa Palencia, pa Llano Largo xuquje’ pa Chinautla, rech Iximulew ri’.
Xuquje’ xjach ub’aq’ kik’aqb’al ri wokajil chajin tinamit rech kakich’ob’ suk’anik ruk’ ri k’aqb’alil, rech are kakikoj pa q’atenik ri b’anoj k’ax ri’ pa le chajinik kakib’ano. Eri tijonik xb’an chi ke kumal rajtijonelab’ ri Fuerzas Especiales rech Chajin Tinamit kib’i’ (FEP) ri ajchajinelab’ keriqitaj pa ri comisarías 31 xuquje’ 34 rech ri PNC ri’.
Pa le jachib’al rech ri chakub’al k’aqb’alil ri’ pa taq rachoch taq chajin tinamit rech ri Distrito Central xuquje’ ri rachoch chajinem k’o pa taq tinamit, ri kaya ri kichakub’al ri reqa’lenel ri Inspectoría General rech ri PNC, e are kakisolij ri k’aqb’alil rech kakilo kanimaxik ri q’atam kab’anik kumal ri taq ri q’atb’al tzij e ajtaqol rech wari’.