Pa le 31 rech julio rech 2025, pa le rachoch ri Subdirección General rech Apoyo xuquje’ Logística, rech ri Wokajil Ajchajin Tinamit (PNC), xjach jupuq chi ch’ich’ e suk’ub’am ri’, pa uterne’xik ri cholchak rech suk’umal taq ri ch’ich’ rech ri PNC.

Eri puq chi ch’ich’ xeya’ik are ri’ 117 chi kejach’ich’ xuquje’ 17 chi patrullas, jeri’ ri ujachik 20 chi bicicletas xuquje’ job’ k’ak’ ch’ich’ rech b’inb’al, ri kejach pa taq ri comisarías rech taq pa tinamit, rech chi la’ pa tinamit che ri qas kak’ulmajtaj wi b’anoj k’ax ri’.

Eri Ministro rech Gobernación, Francisco Jiménez, sib’alaj xuya ub’ixik ri’ che man xaq taj kejach ri ch’ich’, xane’ are rech kejachik ri jun puq chi ch’ich’ ri kesuk’umaxik xuquje’ rech keya ri jun puq rech chajinem pa tinamit. Xuquje’ are b’im chi are oxib’ uwach taq ri kakikoj pa le chajinem tinamit, ri eqa’lenelab’ kechakunik, ri nimaja rech kek’oji wi xuquje’ rech kakikoj pa le kib’i pa chajinem.

Pa le kib’i ri’ ri xkimaj pa le rachoch ajchajin tinamit ri’ ri k’o wi ri suk’ub’al rech taq ri ch’ich’ rech PNC, xb’an ri usolixik taq pa le nimaja k’olib’al ri’, ri xnimarsax ri’, rech kab’an ri suk’umanem pa taq ri q’ij are chi’ rajawaxik kesuk’umam ri ch’ich’ ri’. Eri Ministro Jiménez, xk’ub’isaj ub’ixik che ri ujachik kab’an ri’ are la’ uwach ri k’ak’ taqanem b’anob’al ri’ rech kesuk’umax ri ch’ch’ pa le PNC. “Uj k’o  che upatanexik ri’ ruk’ taq utz chakub’al rech kakikoj ri e’ajchajin tinamit rech pa le unimaxik ub’anik ri kichak kuk’ ri winaqilal ri’”, xcha’.

Rumal ri’ eri k’amal b’e utaqik ri PNC, David Custodio Boteo, sib’alaj xuya ub’ixik ri patanem chak ri’ xuquje’ ri tob’anem pa le suk’umaxik taq ri ch’ich’ ri’, sib’alaj xuya ub’ixik ri’ che pa e suk’ub’am chik 258 chi kejach’ich’ xuquje’ 117 chi patrullas ri’ rech are kekojik pa le niman b’anoj puqchajinem q’atenik ri’ xuquje’ rech kek’iyar kiwach taq ri e’ajchajin tinamit, ruk’ utaqixik ya’ik uchuq’ab’ ri b’anoj puq chajinem xuquje’ rech k’o jun utzilaj kaq’atexik ri ajb’anol k’ax pa tinamit.

Pa le b’anowem ri’ are jun xk’oji ri viceministro rech Tecnología rech ri Tzijol xuquje’ Tzijob’enem William Cameros, ri Subdirector General rech Apoyo xuquje’  Logística, kuk’ ri taqanel rech ri ajchajin tinamit xuquje’ kuk’ ri reqa’lenel pa le ja rech chak ri’.