Rech taqim ri b’anoj komon uq’atexik ri narcotráfico, ri q’axel winaq maj kiwuj keqam, kiq’axenik winaq pa nik’aj chik tinamit, ri toq’inik pwaq xuquje’ ri pornografía infantil, pa le 12 rech agosto le Ministerio rech Gobernación, Francisco Jiménez xkiriq kib’ pa chomanem ruk’ ri K’amal B’e rech ri Oficina rech Investigación rech ri Departamento rech Seguridad Nacional (HSI, are ub’i’ pa inglés tzij) rech ri Estados Unidos rech América, Patrick McElwain. Pa le riqon ib’ ri’ xch’ob’ ubanik ri komon tob’anik xuquje’ ya’ik uchuq’ab’ ri kichak ri e ajchajil tinamit, rech kechajin pa qatinamit jeri’ pa taq k’ulb’a’til.
Eri Ministro Jiménez xub’ij che are chakum uchomaxik runimal taq tzij ri’.
“Rech eri wokom k’amal b’e tinamit ri’ are qas kub’an le jun nim q’atenik ri awan kunab’alil. Xuquje’ k’o oxib’ q’atenik kub’an ri’, ri q’atenik toq’inik pwaq, ri chajinem pa Rachoch Japache’ xuquje’ ri q’atenik ub’e ri awan kunab’al kaq’axexik. Are wa’ kub’an ri’ rech kachakun wari’ kaqaq’atij pa le uwachwuj pa kaqiq’ xuquje’ ri nik’aj molaj b’anol k’ax pa taq le k’ulb’a’t juyub’ pa amaq’il xuquje’ rech ya’tal kichuq’ab’il ri e ajchajil tinamit rech kakiq’atij wari’”, xcha’.
Pa le riqb’al ib’ ri’ xetatab’enik le Viceministro rech Antinarcóticos, Werner Ovalle; le Director General rech ri Instituto Guatemalteco rech Migración (IGM), Danilo Rivera; le Directora rech ri Sección rech Asuntos Antinarcóticos xuquje’ Aplicación rech ri taqanem (INL), Kelly Hapka; le Subdirector General rech Investigación Criminal (SGIC), Edis Fabián, xuquje’ le Subdirector General rech Análisis rech Información Antinarcótica (SGAIA), Wilber Arreaga ri’.
Le McElwain, kub’ij le oficina rech HSI k’o pa nimatinamit Iximulew are le qas k’o nim uchuq’ab’ kikojom. “Eri molaj b’anol k’ax kamisanik ri e are kixtajin che kaq’atexik jeri’ uj kojtajin che kaq’atexik ri’, ri nik’aj molajil ri’ sib’alaj kechakun pa le k’ulb’a’t juyub’ pa amaq’il. Rumal ri’, kaqamaltyoxij le chak rech kaq’atexik nik’aj b’anol k’ax ri’. Kojtajin che tob’anik pa taq le k’uttijonem rech katerne’x kaq’atexik konojel nik’aj molaj b’anol k’ax”, xcha’ pa le riqon ib’.
Eri q’atb’al tzij junam uch’ob’ik xkib’an ri’ che ri kemonchak are la’ utz kab’anik rech uq’atexik taq nik’aj molaj b’anol k’ax che ri kub’an k’ax pa le rulewalil amaq’il ri’.