Eri reqa’lenelab’ ri Subdirección General rech Análisis rech Información Antinarcótica (SGAIA) ri’ uq’ab’il ri Wokajil Ajchajin Tinamit (PNC) xkib’an ri puqtzukunem pa junamamil pa taq ri k’olib’alil rech ri uk’u’x nimatinamit xuquje’ pa Sacatepéquez ri’, chi la’ k’ut xriq wi lo jun tiko’nib’al rech marihuana (ri k’irinaq chik, tajin chik rechexik xuquje’ tajin chik ub’anik awan kunb’al ruk’). Xuquje’ k’o uk’u’x b’anob’al awan kunb’a xriqitaj ri’ xuquje’ k’o jastaq rech katzijik k’o awan kunb’al xalam ruk’ ri xriqitajik.
Jacha kub’ij pa le nab’ejsab’al ub’ixikil ri’, pa le b’anow ri putzukunem ri’ k’o awan kunb’alil xuquje’ jastaq rech katijik xalam awan kunb’al ruk’ ri xriqik jacha taq ri kaxlan wa cubiletes, k’o galletas, xuquje’ yub’kab’ rech katijik) ri’. Xuquje’ k’o pwaq xriqitaj loq rech ri amaq’ tinamit ri’, ruk’ jun ch’ich’ rech qupib’al pwaq, e k’o ch’ich’, ch’aweb’alil xuquje’ k’ak’ kemetz’ib’ab’al rech eqam, ruk’ nik’aj chik jastaq maj pa usaqilal ri’.
Eri PNC xub’ij, che rumal ri puqtzukunem ri’, xb’antaj kowonem xchap jun ajkojonel pixab’nel. Jeri’, k’o k’aqb’al q’aq’, k’olib’al ruk’ marihuana xuquje’ ruk’ nik’aj chik jastaq xriqitaj loq ri xutun ruk’ ri riqom chik pa taq ri tzukunem. Eri b’anow tzukunem ri’ are la’ uwach ri b’anob’alil rech kaq’atexik ri molaj b’anol k’ax rech taq narcomenudeo ri’.
Eri puqtzukunem xb’anik, xuq’alajisaj ub’ixik che ri jun molaj b’anol k’ax ri’ e’are kakib’an ri k’ayin taq jastaq pa je’ wari’, are la’ xub’an chi ke ri’ rech xekowon che uk’ayixik pa awalik pa le nimatinamit ri’ xuquje’ pa nik’aj chik tinamit rech ri amaq’ ri’, ruk’ ukojik ri jachb’al taq ri jastaq ri’ pa oqxa’nib’alil.
Eri PNC sib’alaj xuya ub’ixik ucholajil pa tinamit rech chakib’ij loq pa awalik pa le ch’aweb’al 110 xuquje’ pa 1561 rech Crime Stoppers, wexa’ k’o e’ajb’anol k’ax kakilo.