Eri wokajil ajchajin tinamit xkiporoj 25,000 chi raqan ichaj tiko’n rech coca ri’ xuquje’ k’o 16,000 chi rajilab’al raqan ichaj tiko’n rech marihuana xkiporoj pa jalajoj taq puqtzukunem chajinik xb’an pa k’ilaj taq k’olib’al pa rulewal amaq’ tinamit, paq’ij domingo ri’.
Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) xkiriqo xuquje’ xkiporoj pa taq ri k’ache’laj rech le aldea Sebila, Livingston, Izabal 25,634 rajilab’al chi ichaj tiko’n rech coca ri nima’q chik raqan eri rajil kab’ixik are Q256,340 chi pwaqil rajil ri’.
Pa taq ri k’ache’laj rech Laas Cruces, Petén, xriqitaj wi, xqupix wi xuquje’ xporox wi 16,000 rajilab’al chi raqan ichaj tiko’n rech marihuana ri’ eri rajil are Q6 millones chi pwaqil rajil ri’.
Eri xb’antaj ri’ are la’ kutun rib’ ruk’ ri ichak tiko’n rech awan kunb’al xporox pa taq ri nab’e lajuj q’ij rech 2026 ri’, are uwach ri xtaq ub’anik rumal ri’ ministro rech Gobernación ri’, Marco Antonio Villeda rech uq’atexik taq ri k’ayin awan kunb’alil ri’.