Eri reqa’lenelab’ ri Subdirección General rech Análisis rech Información Antinarcótica (SGAIA) ri’ uq’ab’il ri Wokajil Ajchajin Tinamit (PNC) xkiriqo kak’al (40) chi pisob’al ruk’ marihuana ri’, are chi’ xb’an ri puq utzukuxik chaq’ab’ iwir pa jun k’olib’al oqxa’n jastaq pa le kilómetro 149, pa rulewal ri tinamit rech Río Hondo, Zacapa ri’.
Eri uriqik ri awan kunb’al ri’ are xriqitaj loq pa jun solinik xb’an ri’ ruk’ katob’anik ri Binomio K-9, are kiwach ri k’amal b’e ruk’ ri jun tz’i’ eqa’lenel ub’i’ Pablo, ri are xuk’utu chi kiwach ri wokajil antinarcóticas chi rij ri awan kunb’al ri’, ri e’awam pa jun k’olib’al chi upam ri jun ya’el uqulib’alil ri’.
Eri awan kunb’al ri’ xpis b’i kumal ri wokajil antinarcóticas ri’. Xuquje’ xmajtaj utzukuxik uwach rech keq’alajisaxik jachin taq winaq e’ajmak chi rij ri oqxa’nib’al awam jastaq ri’ xuquje’ rech kek’am b’i pa kaq’ab’ q’atb’al tzij chi rij wari’. Ruk’ ri xb’antaj ri’, are kaya uchuq’ab’il kaq’atexik ri nik’aj molaj b’anol k’ax pa amaq’ tinamit kuk’ ri kakib’an ri k’ax pa nik’aj chik amaq’ib’.