Le Ministro rech Gobernación, Francisco Jiménez, pa martes ri’ xujach uwach uchak le Subestación 16-2-3, pa le colonia Primero de Julio, zona 5 rech Mixco, ruk’ ronojel jun nim chajinem chi la’ k’ut, rech qas kachakun kuk’ ri e q’apojil rech uq’atexik ri b’anoj k’ax ri’.
Le Jiménez sib’alaj xub’ij che ri k’ak’ rachoch chajin tinamit ri’ are pa komonq’ab’ kachakun ruk’ le Q’atb’al Tzij rech Mixco ri’, kuk’ ri e k’amal b’e winaq chi la, kuk’ ri e alaxik winaqil xuquje’ kuk’ ri ab’om alitom, rech ketob’an pa le uq’atexik ri b’anoj k’ax , rech kak’ul kakichomaj ri b’iw ub’ixik loq pa aninaqil, jeri’ rech k’o kub’al k’u’x kuk’ ri e’ajchajil tinamit.
Rumal ri’, sib’alaj xub’ij che pa le uchak patan ri’ are kutoq’ij uwa’lisaxik pa utzil kub’an ri chomanik kuk’ ri winaqilal pa joremal rech b’a’ e’are jun ri ab’om alitom ketob’an kakiya ta kib’ kuk’ ri molaj e b’anol k’ax, rech b’a’ e’are kakik’asb’a kib’ pa taq kik’olib’alil.
“Kinwik’aj in che kuk’ ri ab’om alitom rech ri Primero de Julio katijox ri’ rech ke’ok che e’utz taq k’amal ub’e qatinamit”, xcha’ le taqawokajnel rech taqon chajinem pa Amaq’. Xuquje’ sib’alaj xub’ij chi k’o nim upatan le taqon komonchak kab’an ri’ xuquje’ rech pa kakiterne’j b’anoj ri c hak kuk’ taq ri q’atb’al tzij rech taq tinamit pa amaq’il xuquje’ xeb’usik’ij loq le q’atb’al tzij rech Mixco rech pa amaq’el b’a’ sib’alaj katob’anik pa le ya’olchajinem pa tinamit ri’.
Nim ub’antajil le rachoch chajinem ri’
Le Subestación k’o pa le Colonia Primero de Julio ri’ are la’ ri ulajuj rajilb’al rachoch chajinem pa tinamit kojom chik pa le k’isb’al taq ik’ ri’ rumal le Ministerio rech Gobernación xuquje’ are xyak ri’ ruk’ le qojompwaq xuya loq le Banco Centroamericano rech Integración Económica (BCIE) ri’.
Eri pwaq xsach chi rij are Q3,5 millones rech xyak ri’ xuquje’ k’o Q202 mil 223.31 chi pwaq xok che uloq’ik ujastaq uchakub’al, xuquje’ are wa’ xub’an ruk’ utob’anik le Q’atb’al Tzij rech Mixco.
Eri K’amal b’e rech ri PNC, David Custodio Boteo, xub’ij che ri xyak wi rachoch chajinem ri’ are chi’ qas xb’an uch’ob’ik rilik wa’ le ajeqa’lenel kakib’ij qas chi’ k’ut ka’opan wi ronojel ri b’iw ub’ixik loq kumal le winaqil rech pa le wokja kuk’ ri ri keriqitaj apanoq ri’, je ri upatan rech uq’atexik taq ri k’ax kab’an pa le uq’ab’ tinamit ri’.
Le k’o pa rachoch chajinem ri’
Pa le rachoch chajinem ri’ ke’uq’i’o e 30 chi e’ajchajinel. Rech chi la’ k’ut ke’opan wi le winaqil rech wexa’ k’o ri kakib’ij rech pa aninaqil kechomaxik, pa le jun chakuja ri’ rech ke’uchomaj le winaqilal ri’. Pa le ja k’olib’al ri’ k’o jun rech chakunem, k’o ri ketak’ab’ kich’ich’ le winaq ke’opan chi’, k’o ketak’ab’ wi le patrulla, tasal kiwarib’al achijab’, kiwarib’al ixoqib’, k’o b’anob’al chulaj, k’o b’anob’al wa, k’o ch’ajamib’al, k’o k’olib’al uja’, uk’amsaqil xuquje’ Internet.
Reconoce a alumnos
Pa le jaqib’al tzij uwach ri’, le Ministro Jiménez xub’ij, che ri ronojel k’u’x ucholajil tijoninik chi kech ri e’ajtijoxel rech ke’ok pa le banda escolar rech Colegio Cristiano Verbo No. 4 ri’, ri pa keqale’n xkib’an ri je’lb’anoj pa le loq’ ilob’anem ri’ xuquje’ xub’ij chi kech rech kakiterne’j ketob’anik pa le q’atenik rech uq’atexik b’anoj k’ax chi’.
Pa le jaib’al tzij ri’ are xk’oji le Viceministra rech Seguridad, Claudia Palencia, le Viceministro Administrativo, Felipe Sánchez, le Director General rech ri PNC, David Custodio Boteo, ri ajeqa’lenel chajin tinamit, ri e diputados xuquje’ ri e q’atb’al tzij chi’, kuk’ nik’aj chik ri’.