Pa taq tinamit k’o nimalaj puqtzukunem chajinik xb’an pa taq kik’olib’alil winaq ri’ pa uq’ijol ri tojob’al rech ri Bono 14. Pa k’isb’al wuqq’ij ri’, eri reqa’lenel ri Wokajil Ajchajin Tinamit (PNC) k’olib’al chajinem xkikojo, jeri’ pa taq ri ch’ich’ ri’ pa taq kik’olib’em winaq rech uq’atexik taq b’anoj k’ax xuquje’ rech kakub’isax ub’anik ri chajinem winaqil pa tinamit.
Eri puqtzukunem ri’ are xb’anik rech xb’an rilik kitzijol ri winaqil rech ke’ilik wexa’ e k’o taqom kichapik, rumal ri’ xil ri kiwujilal taq ri ch’ich’ xuquje’ ri kejach’ich’ keb’inisaxik rech kilik wexa’ e k’o e’eleq’am b’i k’o chi re rech kekoj pa b’anoj taq k’ax ri’.
Xuquje’ xekoj e k’iyalaj e’ajchajin tinamit chi rij taq ri cajeros automáticos, pa taq k’ayib’al, pa nimaq’ taq rachoch k’olib’al xuquje’ pa nik’aj chik rachoch taq k’ay ri’. Xuquje’ eri wokajil ajchajin tinamit xkiwa’katej ub’anik ri chajinem q’atenik ri’ chi rij taq kejach’ich’ rech b’anik ya’olchajinem ri’ pa le uq’ijol tojob’al uwi pwaqil kajil e’ajchak ri’.
Are uwach ri chajinem ri’, eri e’ajchajin tinamit xkijach k’ut ri chakub’al rech ya’ltzijol rech ya’ik ub’ixik chi ke ri winaqil rech kakib’an kuwenta chi ke nik’aj elaq’omab’ e’ajb’anol k’ax. Xb’ixik che ri winaqil xaq maketaj chom b’otim pwaq, rajawaxik kakiya chi kiwach ri kitarjetas bancarias, chakikojo b’a’ ri ja k’olme’r ri tojonik kakib’ano, xuquje’ chakib’ana kuwenta we kakilo k’o ri k’ax elaq’ kab’an ri’.
Eri b’anowem ri’ are kuk’utu ri eqele’nchak tajin che ub’anik ri Wokom K’amal B’e Amaq’ rech kachajixik ri winaqilal, ruk’ ronojel kijastaq meb’il ri’, jeri’ rech pa ub’anik ri ucholaj chajinem pa tinamit xuquje’ ri chajinem pa juntir ri amaq’il. Eri winaqilal rajawaxik kakiya ub’ixik pa le 110 rech ri PNC, pa le 1531 rech ri Centro Anticorrupción Policial xuquje’ pa le 1561 rech Crime Stoppers, chi paq’ij chi chaq’ab’ ri’.