Rumal tajin kesaxik loq pa El Salvador nik’aj e ajqajol pwaq colombianos ri’, eri q’atb’al tzij rech ri Ministerio rech Gobernación (Mingob) xuya ub’ixik chi k’o jun nim chajinem katajinik rech kaq’atexik nik’aj b’anol k’ax ri’ rech ke’ok ta loq pa Iximulew.
Pa 19 rech julio ri’, eri k’amal b’e rech El Salvador xuya oxib’ q’ij chi ke ri nik’aj colombianos e ajqajol pwaq rech ke’al b’i pa le nimatinamit ri’. Rumal k’u ri’ eri Iximulew sib’alaj tajin che b’anoj chajinem pa taq le fronteras re h keq’atexik nik’aj b’anol k’ax ri’.
Eri q’atb’al tzij rech ri Mingob xkib’ij chi xetaq ri’ ri reqa’lenel ri Investigación Criminal xuquje’ Inteligencia Civil rech k’o nim chajinem pa le frontera ruk’ El Salvador xuquje’ rech keq’atexik rech ke’ok ta loq nik’aj e ajqajol pwaq colombianos pa tinamit chi’.
“Are chi’ xmajtaj ri Nimq’atenik ri’ pa le Amaq’ salvadoreño ri’ kojtajin che chajinem tzukunik rech kaq’atexik nik’aj pandilleros kapetik pa le tinamit k’o apanoq rech kakaj tane’ ke’ok loq pa tinamit ri’”, xcha’ ri Taqanel rech ri Ya’olchajinem pa Amaq’.
E k’o nik’aj colombianos pa Iximulew
Eri taqawokajnel rech ri Ya’olchajinem pa Amaq’, xub’ij k’a pa le 2022 ri’ tajin ri tzukunik chi kij nik’aj e ajqajol pwaq e colombiano ri’ pa Iximulew, ri kakiya pwaq ri nim rajil ral kakitoq’ij chi ke ri winaq rech te k’u ri’ k’ax utoq’ixik kakib’an ri’. Rumal k’u ri’ e k’o k’i e chapom chik chi ke ri’.