Le Nab’e Riqob’al ib’ rech Chomanem Ya’olchajinem xb’an rumal le Ministerio rech ri Gobernación (MINGOB), are ri’ jun nimachomanem xb’an kuk’ ri wokajilal rech xtzijob’ex ri’, le rilik uch’obik ri k’ax k’o pa tinamit fxuquje’ rech pa komonchak kab’an ri ya’olchajinem ri’ are ri’ rech q’atenik ri k’ax katajin pa rulewal tinamit rech Santa Rosa ri’.
Le Ministro rech Gobernación, Francisco Jiménez, are xuk’am ub’e ub’anik ri mulin ib’, rech xb’an ri nab’e nimachomanem ruk’ katob’anik ri wokajilal pa le uq’atexik ri e’ajb’anol k’ax pa taq ri tinamit. Pa le tzijob’el xub’ij, le Jiménez xuya utzijol ri chak b’anom chik pa le ya’olchajinem pa rulewal le nimatinamit, jeri’ le cholchak tajin ub’anik rech ya’ik uchuq’ab’ ri kichak tajin kumal le reqa’lenelab’ le Wokajil Ajchajil Tinamit (PNC).
Xuquje’ le Ministro Jiménez xub’ij, che ri wokajil ajchajin tinamit sib’alaj xkib’an ri puqchajinem rech kaq’atexik ri pandillas ri’, ri narcoactividad ri’, ri etz’anem riqonopanem chi rij taq kejach’ich’ ruk’ nik’aj b’anoj k’ax pa tinamit ri’. Jeri’ le Jiménez xub’ij che katerne’x uya’ik uchuq’ab’ b’anoj ya’olchajinem pa rachoch taq ri japache’ tz’apib’al, rech b’a’ maj jun winaq e tz’apilik kakib’an tane’ ri k’ax chi la’ k’ut.
Eri Vceministra rech Seguridad, Claudia Palenia xub’ij, che ri mulin ib’ chomanem ri’ are la’ kuya uchuq’ab’ ri b’anoj komonchak kumal ri q’atb’al tzij rech q’atojchak pa tinamit rech qastzij b’a’ kab’an ri puqchajinem ri’ rech kachajixik ri winaqilal xuqwuje’ ri b’anoj k’ax pa taq tinamit ri’.
Rumal ri’, le Viceministra rech Preveción rech ri Violencia xuquje’ ri Delito, Mayda De León xub’ij che ri chakunem pa wokajilal ri’ are la’ tajin ub’anik pa le chomanem ri’, are la’ kuya pa ucholajil ri b’anoj chakunem kumal ri wokaj e’ajchajin tinamit rech pa le uq’atexik taq rti b’anoj k’ax pa tinamit ri’.
Pa le riqon ib’ ri’ xk’oji le Gobernador departamental, Allan Melgar ri’, le Director General rech ri PNC, David Custodio Boteo ri’, le Alcaldesa rech Cuilapa, Maryflor Morales ri’, le Director General Adjunto rech ri PNC, Helver Beltetón ri’, le Coronel rech le Tercera Brigada rech Infantería rech ri Ministerio rech ri Defensa Nacional (MDN), Alex Escobar ri’, le Subdirector rech ri Sistema Penitenciario (SP), Fabricio Yanes ri’, kuk’ ri e’ajkalteyib’, ri ajtaqanelab’ rech chajin tinamit, kuk’ ri winaqil e sik’im apanoq.