Eri reqa’lenelab’ le Unidad rech ri Prevención Comunitaria rech ri K’axk’olil (UPCV) xek’oji pa le Tijonem ub’i’ e’ajwaxel Ak’alab’ xuquje’ e q’apojil Maj K’ax Kakib’ano. Eri tijonem are utaqim katijoxik rech kesuk’umax chi rij taq kichak ri’ le alk’uwalab’, taq ala, taq ali, xuquje’ ri e q’apojil rech kakib’an le rilik, uch’ob’ik jachin ri k’ax kaq’atexik ri’ xuquje’ rech pa aninaqil keto’ik ri ak’alab’, taq ala, taq ali kuk’ ri e q’apojil ri kab’an k’ax chi kech.
Le Viceministra rech Prevención rech ri Violencia xuquje’ ri Delito ri’ Mayda De León, ri xuk’am ub’i rech ub’anik ri tijonem ri’, sib’alaj xuya utzijob’el che k’o nim upatan ri b’anoj tijoninem chech ri UPCV, rumal chi naj taj e k’o wi ri’ ak’alab’ kuk’ ri e q’apojil ri’. Xuquje’ sib’alaj xub’ij ri’ chewe tijoninem ri’ are toq’im uya’ik chi kech rajchak reqa’lenel le Unidad ri’.
Rumal ri’, le Representante Adjunto rech le Fondo rech ri Naciones Unidas rech le Infancia (UNICEF) ri’, Vincenzo Placco, sib’alaj xub’ij chi k’o nim upatan ri komon chomanem xb’anik rech kab’an ri tijob’enik ri’ rech ya’ik uchuq’ab’il ri chakunem kakib’an ri wokajil rech uq’atexik taq ri k’ax pa le nab’e, le ukab’ taqonib’al q’attijonem ri’.
Eri taqonib’al q’attijonem ri’ are la’ ya’tal pa keme’uwachwuj pa kaqiq’ ri ya’tal ri’ man rech kab’e jun che rilik pa le tijob’al, ri k’o waqib’ uwach ub’anob’alil chi rij taq k’utik eta’mab’al rech rilik ub’anik xuquje’ rech uq’atexik taq b’anoj k’ax ri’, chi rij taq ri k’ax kakiriqo, kakib’an chi kech ri ak’alab’ xuquje’ e q’apojil, chi rij taq uch’ob’ik rilik ri k’axk’olil, ri uq’atexik taq pa ujikomal ri q’atb’al tzij xuquje’ ri taqanib’alil ri’, xuquje’ rech uk’exik taq keta’mab’al kino’jib’alil ri’, ruk’ nik’aj chik rajawaxik kak’extaj pa ub’anikil ri’.
Pa le b’anoj taqonib’al q’attijoninem ri’, ya’tal chi kech ri e’ajtijoxel ri chakub’al rajawaxik ri’ rech kakikojo pa le uch’ob’ik, reta’maxik rilik ub’anik taq ri k’ax ruk’ ri k’ax kupetisaj, jeri’ rech le ukojik taq k’ulib’al e’ipataninel, e’ikajmanel xuquje’ rech kanimaxik ri b’anoj taqanib’al rech qatinamit ruk’ ri rech taq le nimatinamit pa uwachulew rech ya’tal utz le kato’ik le ak’alab’ le q’apoj e’alaxik rech taq rulewal le tinamit aj iximulew.