E k’o 1 mil kajilab’al keqa’lenele taq comisarías xuquje’ ri unidades especializadas rech ri Wokajil Ajchajin Tinamit (PNC) xkiban tzukunik awan jastaq pa le sector 11 rech ri Rachoch Japache’ kech Achijab’, k’o pa le zona 18 rech uk’u’x nimatinamit. Eri puqchajinem tzukunik ri’ xk’am ub’e ub’anik ri K’amal B’e rech ri PNC, Custodio Boteo ruk’ ri Subdirector rech Operaciones, Jacinto Quiché.
Pa le b’anoj tzukunem ri’, eri wokajil ajchajin tinamit xkib’an ri tzukunem pa le sector rech xkitzukuj wi eqam ch’aweb’alil pa taq ri k’olib’al chi la’ rech we man k’ot awan k’aqb’al, awan kunb’al chi upam ri’ xuquje’ nik’aj jastaq rech kilik jachin winaq kech’aw wi chi saq panoq, rech kab’an ri katzukuxik ri’.
Eri q’atb’al tzij, xkib’ij eri kawinaqil ri Pandilla rech ri Barrio 18, e k’o chi la’ pa le sector, xech’ojinik xkik’aq ab’aj ruk’ taq puch’b’al chi kij ri wokajil ajchajin tinamit rech kakaj taj katzukux chi la’. Rumal ri’ pa aninaqil xe’opan ri e’ajchajin tinamit xakiq’atij kiwach.
Eri tzukunem q’atenik ri’ are la’ xb’anik rech uya’ik uchuq’ab’ ri chajinem kumal e’ajchajin tinamit xuquje’ rech kaq’atexik ri b’anoj k’ax kab’an k’a pa rachoch taq ri japache’. Eri tzukunem ri’ sib’alaj katajin na, are la’ kaya na utzijolil wa’.