Paq’ij kamik 25 rech octubre ri’, eri reqa’lenelab’ ri Wokajil Ajchajil Tinamit ub’i’ (PNC) k’o k’i taq tzukunem xikib’an pa taq nimab’e, pa taq uxo’l ja, pa taq saqab’e xuquje’ pa k’ulb’a’t pa Amaq’il Iximulew, rech kakub’isax ri ya’olchajinem winaqil xuquje’ rech uq’atexik taq ri b’anoj k’ax ri’.
Pa taq le q’atenik xb’antaj pa le kilómetro 152 Nimab’e Ruta Nacional 11, rech San Lucas Tolimán, Tz’oloja’, jeri’ pa Casiollas xuquje’ Barberena, Santa Rosa ri’, ri xilik kiwujil kitzjil e 47 chi winaqib’ ri’ xuquje’ ri xesolix wi e 29 chi ch’ich’, rech xe’ilik we man k’ot jun chi ke taqom tane’ uchapik rech we man keqam ta b’i awan jastaq kunab’alil.
Xuquje’ eri wokajil ajchajil tinamit pa komonchak tob’anik kuk’ reqa’lenel ri Wokajil Ajchajil Amaq’il Iximulew xkib’an ri puqchajinem tzukunik, chi rij taq kejach’ich’ xuquje’ che kaqan rech xe’ok pa taq k’ax b’e rech ri aldea Guacamayas rech La Democracia xuquje’ La Mesilla, Chinab’jul.
Pa jun tzukunem q’atenik ri’ xb’an pa le kilómetro 444, pa juyub’al rech La Libertad, Petén ri’, kumal reqa’lenelab’ ri División rech Puertos, Aeropuertos xuquje’ Puestos Fronterizos (Dipafront) rech ri PNC ri’, xkiriq k’ut 16 chi winaqib’ e hindúes xeriqitaj pa rulewal qatinamit ri’.
Eri reqa’lenel ri PNC xkib’an utz ri kilik ri winaqil naj kepe wiri’ xuquje’ ri xkik’am b’i pa le rachoch ri Instituto Guatemalteco rech Migración (IGM), rech xsuk’umax kiwujilal rech kakinimaj utzij ri taqanem pa saqil rech migratorios ri’.