Eri reqa’lenelab’ ri Subdirección General rech Análisis xuquje’ Información Antinarcótica (SGAIA) rech ri Wokajil Ajchajin Tinamit (PNC) rech ri Wokajil Ajchajin Tinamit, xkiriqo xuquje’ xkiporoj jun tiko’nib’al rech coca pa rulewal tinamit rech Izabal ri’. Eri puqtzukunem ri’ are la’ xb’an pa taq ri k’iche’laj rech ri aldea El Corozo, Livingston, chi la’ k’ut eri q’atb’al tzij xkiriq wi xkiporoj wi 25,410 chi ichaj tiko’n rech coca, eri rajil are k’ut Q635,250, junam ruk’ 81,442.31 chi pwaqil dólares ri’.
Eri q’atb’al tzij, xkib’an eri riqon utiko’nib’al awan kunb’al jastaq ri’ are la’ uwach ri puqtzukunem tajin pa amaq’el ri’ rech pa uq’atexik taq ri tiko’nib’al ri awan kunb’al pa amaq’ tinamit.
Uriqik ri cocaína ri’
Are wa’ uwach ri uq’atexik ri narcoactividad ri’, kumal reqa’lenel ri SGAIA xuquje’ ri xkiriq ri cocaína pa taq ri k’olib’al ri’ chi rij apanoq ri Aeropuerto Internacional La Aurora, pa le k’olib’al rech ri avenida Hincapié, zona 13 rech ri uk’u’x nimatinamit ri’.
Eri riqon jastaq ri’ are xriqitajik pa jun tzukunik xb’an pa taq ri oqxa’n jastaq ri’ ruk’ ri utob’anik ri tz’i’ Thundern eqa’lenel, ri xk’utuwik chi ke e’ajchajin tinamit chi rij ri jun pisom jastaq ri’. Are chi’ xsolixik, xriqitaj 713 chi ch’aweb’alil rech eqam ruk’ ri cocaína, ri jachail uwach pa kab’lajuj k’olib’alil, ruk’ 0.94 chi upajb’alil ri’.
Eri tzukunik xb’an chi rij are xuq’alajisaj uwach ri’,m che ri oqxa’n jataq ri’ are taqom b’i k’a pa Iximulew xuquje’ rech xtaq b’i pa estado rech Florida, Estados Unidos. Eri q’atb’al tzij xkib’ij che kakiterne’j uya’ik uchuq’ab’il ri b’anoj taq chajinem tzukunik ri’ pa jalajoj taq k’olib’alil pa amaq’ tinamit rech uq’atexik ri awan jastaq kunb’al ri’ recyh uq’atexik taq ri awan kunb’al che ri kopan pa taq k’ayib’al rech taq amaqib’ nimatinamit.