Are taqim ukub’isaxik ri ya’olchajinem chi ke ri winaqilal pa tinamti pa le uq’ijol rech tojb’al ri Bono 14 ri’, rumal ri’ eri reqa’lenelab’ ri Subestaciones, Comisarías xuquje’ Unidades Especializadas rech ri Wokajil Ajchajil Tinamit (PNC) ruk’ katob’anik reqa’lenel ri Wokajil Ajchajil Amaq’ Iximulew ri’ rech kab’an ri puqchajinem xuquje’ q’atenik pa ronojel uwach rulewal qatinamit.

Eri Ministro rech Gobernación (Mingob) xub’ij che are wa’ uwach ri cholchak rech puqchajinem ri kab’an ri’ kumal e k’iyalaj reqa’lenel ajchajil tinamit chi rij taq nimk’ayib’alil, pa kitak’alib’al ri ch’ich’, pa taq cajeres automáticos xuquje’ pa agencias bancarias rech pwaq k’olme’r, pa taq k’ayib’alil, pa taq k’ayij xuquje’ pa taq le k’olib’alil che ri kakesaj wi ri Bono 14 ri winaqil.

Xuquje’ eri Taqawokajnel rech Ya’olchajinem pa Amaq’ xub’an jun nim pixab’nem chi ke ri winaqilal pa tinamit rech makeqaj chomapwaq pa tinamit, chakikol kib’ b’a makiya kib’ pa k’ax pa le resaxik ri pwaq ri’. “E k’i ri wokaj ajchajil kechajin ri’ rech pa jikomal joremal kek’oji ri winaqilal”, xcha’.

Ri b’anoj q’alanik q’atenik

Rumal wari’, eri Wokajil Ajchajil Tinamit kakikoj uk’olib’al taq chajinem pa taq b’e pa nimatinamit, rech ketzukuxik ri winaqil che ri qaraj taqom kichapik rumal q’atb’al tzij rech kechapik xuquje’ rech kilik we man awan jastaq keqam ri’, rech kechapik.

Xuquje’ kakib’an ub’inisaxik ri ya’olchajinem, rech keb’e pa puqchajinem pa taq ri k’ax b’e okem, are la’ chajinem kakib’an chi rij taq kejach’ich’ rech’ kejchajin chi ke ri winaqilal ri’ rech kaq’atexik ri k’ax pa le uq’ij tojb’al rech ri bono ri’.

Sib’alaj rajwaxik b’a’ eri winaqil pa tinamit kakiya ub’ixik pa le ch’aweb’alil 110 rech ri PNC xuquje’ pa le 1561 rech Crime Stoppers ri’, rech pa aninaqil keb’e che tob’anik, rech kakiq’atij ri e ajb’anol taq ri k’ax xuquje’ recch kakichap ri’ ri e ajb’anol k’ax ri’.