Eri tzukunem rech q’atexik ri’ xuya pa retalil rech xriqitaj loq chom ri pwaqil nik’aj b’anol k’ax che ri e’ajesal pwaq
K’o Q548,300 chi pwaqil xriqitajik pa taq ri tzukunem xb’an kumal rajchajinelab’ ri Nimawokajil Ajchajinelab’ rech kakitzukuj ri k’ax ri’ ub’i’ (DEIC) rech ri Wokajil Ajchajin Tinamit ub’i’ (PNC), pa le 33 avenida xuquje’ 46 calle, colonia El Granizo II, zona 7 rech uk’u’x nimatinamit, pa kemon b’anow kuk’ rajq’atzol tzij ri Ministerio Público (MP).
Eri xriqitaj tajin che b’anow k’ax, ub’i’ a Bernardo “N”, 39 ujunab’, chi rij ri chom pwaq xriqitaj pa jun nimaja xtzukux upam. Eri jun achi ri’ xk’am b’i pa q’atb’al tzij chi rij k’ax xub’ano xuquje’ rech kachomax chi rij ri umak ri’.
Pa le tzukunem xb’an kumal ri jupuqil rajchajinelab’ ri Fuerzas Especiales Kechajin pa Tinamit ub’i’ (FEP) kuk’ taq rajchajinelab’ ri comisarías ri’ rech ya’ik uchuq’ab’ ri b’anow chajinem xuquje’ rech ukub’isaxik kachajixik ri winaqilal ri keriqitaj pa le rulewal tinamit ri’ ri xb’an wi ri tzukunem.
Eri kichak ri ajchajin tinamit are kab’an uterne’xik ruk’ ri b’anow taq tzukunem chi rij resaxik pwaq chi kij winaq xuquje’ chi rij taq ri k’aqanem b’anom chi ke taq ri winaqilal, ri e’ajk’ayinelab’ keriqitaj chi la’ k’ut.
Eri q’atb’al tzij xkib’an jun kasik’ixik ri winaqilal rech kakiya ub’ixik pa le 110 kuk’ ri PNC, pa le 1574 rech pa antiextorsiones ri’ xuquje’ pa le 1561 rech Crime Stoppers, wexa’ k’o ri k’ax kab’anik, chaya loq ub’ixik. Eri jujun ub’ixik pa aninaqil are kab’an le uchomaxik kumal ajeqa’lenelab’ chajin tinamit sib’alaj k’o nim keta’mab’al che rilik ri’.