Katajin ri b’anowem puqtzukunem rech k’o pa jikomal ri chakunem pa rachoch taq japache’ tz’apib’al ri’. E chaq’ab’ k’ut, eri reqa’lenel taq ri unidades especializadas rech ri Wokajil Ajchajin Tinamit (PNC) xuquje’ rajchajinelab’ ri Wokajil Japahe’ Tz’apib’al (SP) xkib’an k’ut jun puqtzukunem pa keb’ k’olib’alil rech ri Granja Modelo rech Rehabilitación Canadá, k’o pa Escuintla ri’. pa taq ri k’olib’al ri’, keriqitaj wi ri expandilleros kuk’ ri e’imitadores ri’.
Le Ministro rech Gobernación, Francisco Jiménez, pa le kemuwachwuj rech X, sib’alaj xuya wi ub’ixik chi k’o nim upatan ri b’enam solinem pa le rachoch japache’ ri’. “Chewe chaq’ab’ ri’ k’o keb’ qak’ask’atik solinem kaqab’an ri keriqitaj wi le Paisas. Ronojel b’anowem ri’ k’o jun uch’o’jil”. Are wa’ xb’itaj chi wech ix”, xcha’.
Rumal ri’, le Runimal k’amal B’e rech ri PNC, David Custodio Boteo, xnab’ejsaj rib’ che ub’anik ri puqtzukunem ri’, ri are xub’ij k’ut, eri resaxik ri toq’ob’ loq’oq’eb’anem chi kech ri winaq e tz’apilik, ri xesax awam jastaq kuk’ rech xk’am b’i rech katerne’x utzukuxik kitzijol ri’ rech kilik jachike e kojom wiri’ pa b’anoj k’ax wene’ pa elaq’ toq’inik pwaq kojom wi k’a pa le rachoch japache’ tz’apib’al ri’.
Pa le puqtzukunik, eri wokajil ajchajin tinamit xkiriq loq jalajoj taq uwach ri awam jastaq ri’, xriq k’i ch’aweb’alil, k’i nojisab’al rech ch’aweb’al, jun router rech kuya retal ch’aweb’anem, k’i chi paqab’sab’al uqul taq tzijol b’ixik, k’o k’i taq xutub’alil, xuquje’ silob’ilowach, jeri’ xeriq keb’ iyon, keb’ ikan xuquje’ jun nim tz’ikin xaq uxik’. Xuquje’ kuk’ ri eqa’lenel rech Binomios K-9, e kiwach, jun k’amal b’e jun chik are ri tz’i’ eqa’lenel tzukunik sib’alaj e tijob’em rech kakitzukuj kakiriq loq awam jastaq kunb’al.