Eri tzukunem q’atenik tajin rumal le Ministerio rech Gobernación rech ri Wokajil Ajchajil Tinamit (PNC) rech ri q’atenik ri narcotráfico tanab’em ta ub’anik ri’. Are la’ uwach le xb’an pa le q’ij domingo are chi’ xya utzijol che k’o xriqitajik xporoxik, pa Chuwi’meq’ina’ ri’, le tiko’nib’al rech marguana ri’ eri rajil kab’ixik are Q11 millones ri’.
Le Subdirección General rech Análisis rech Información Antinarcótica (SGAIA), rech ri PNC, xkiporoj le awan kunab’al xriqitaj pa le aldeas Xequemeyá, pa le uq’ab’ tinamit rech Momostenango, xuquje’ Pamaría, rech Santa Lucía La Reforma ri’.
Le PNC xrajilaj chi k’o 29 mil 736 xuquje’ ruk’ lajuj pajib’al rech mariguana chakum chik, are kab’ixik xriqitaj pa le peraj ya’em juyub’ chi la’. Le q’atb’al tzij ri’ ri awan kunab’al xkajilal xkiporoj ri’ k’o Q11 millones 174 mil 750 ri’.
Paq’ij jueves kanoq, pa le kilómetro 236 rech le nimab’e ruta CA-2, pa juyub’al rech le aldea Las Palmas, Coatepeque, Quetzaltenango, eri PNC chi la’ k’ut xuchap wi loq jun winaq xuquje’ 99 pisoj ruk’ cocaína ri’ eri rajil are Q10 millones chi pwaqil ri’.
Le Ministerio rech Gobernación pa junab’ ri’ xterne’j nim kaq’atexik ri molaj b’anol k’ax e’ajtikoninel awan kunab’al ri’, rech xkitaq uk’ayixik ri’, xuquje’ k’o nik’aj chik kimak ri’ kib’anom, are la’ xb’antajik pa le unimaxik le kub’al k’u’x kachajixik le winaqilal e’aj iximulew ri’.