Eri Wokajil Ajchajin Tinamit (PNC) kimik ri’ k’o k’i taq puqchajinem tzukunik xb’an pa taq zonas 1, 4 xuquje’ 6 rech pa tinamit rech Retalhuleu ri’, are la’ uwach ri puqchajinem katajinik rech kaq’atexik ri molaj b’anol k’ax ri kakib’an k’ayin awan kunb’al ri’ ruk’ ri poq’san pwaqil maj pa usaqil ri’. Eri puqchajinem tzukunik ri’ are la’ xtaq ub’anik rumal ri Ministerio rech Gobernación, Marco Antonio Villeda rech kaq’atexik ri narcotráfico xuquje’ juntir b’anoj k’ax ri’.
Are chi’ xriqi ri Q403 mil chi pwaqil ri’ e k’o wuqub’ chi winaqil xechapik ri kek’am na b’i pa q’atb’al tzij ri’ rumal ri’ q’atb’al tzij rumal nik’aj winaq ri’ xkib’an k’ayin awan kunb’al ri’.
Chi ke ri winaq xechap ri’ e k’o a Carlos “N”, 27 ujunab’, ukojomb’i’aj “Chalequito”, ri are taqom loq uchapik rumal ri jun q’atb’al tzij rech Tz’oloja’ k’a pa le 24 rech octubre kanoq rumal xkeleq’aj winaq ri’ xuquje’ rumal xkib’an elaq’ ri’. Xuquje’ xchapataj al Rosa Lidia “N”, 64 ujunab’, ukojomb’i’aj “Abuela”, ri taqom uchapik k’a pa le nab’e q’ij rech ik’ julio ri’ rumal e’usak winaq xuquje’ rumal xub’an k’ayin awan kunb’alil ri’. Kab’ixik k’o oxib’ umak ub’anom pa taq ri junab’ 2002 xuquje’ pa 2008 ri’. Are chi’ xchapik eri q’atb’al tzij xkiriq Q26 mil 350 chi pwaqil ruk’.
Tajin pa b’anoj k’ax are chi’ xchapik
Pa jun chik puqchajinem tzukunik xb’an pa zona 6 rech Retalhuleu xchap wi loq a Rudy “N”, 42 ujunab’, xuquje’ al Cinthya “N”, 33 ujunab’, are chi’ xraj xkanimajik pa jun mototaxi ruk’ keb’ mochilas che ri k’o Q95 mil 737 chi pwaqil b’oto chi upam ri’, 72 chi k’olib’alil ruk’ kunb’al rech crack, 7 k’olib’al ruk’ cocaína ruk’ nik’aj pajib’al ri’. Jeri’ pa jun nimaja rech chi la’ xechap wi jun juk’ulaj chi winaqil a Henry “N”, 28 ujunab’, xuquje’ al Carolyn “N”, 25 ujunab’, ri xriq Q209 mil 840 chi pwaqil kuk’ xuquje’ 18 chi k’olib’alil ruk’ cocaína. Pa nik’yaj chik tzukunem xchap wi al Claudia “N”, 49 ujunab’, xriqitaj wi Q38 mil 570, xuquje’ pa jun chik nimaja ri’ xriqitaj wi Q32 mil 565 chi pwaqil ri’.
Ri xriqitaj pa ri puqtzukunem ri’
Pa ronojel ri tzukunem xkib’an ri e’ajchajin tinamit ri’:
Q403 mil 062 chi pwaqil xkiriqo
72 chi k’olib’alil rech crack xkiriqo
25 chi k’olib’alil rech cocaína xkiriqo
Waqib’ chi ch’aweb’alil xkiriqo
Eri q’atb’al tzij sib’alaj xkib’ij che kakiterne’j ub’anik ri ri puqchajinem tzukunik rech uq’atexik taq ri k’ayin awan kunb’al xuquje’ nik’aj chik b’anoj k’ax pa tinamit ri’.