Sib’alaj katajin ri b’anoj chajinem rech kaq’atexik nik’aj molaj b’anol k’ax rech ri narcotráfico pa rulewal amaq’ tinamit. E pa k’isb’al wuqq’ij kanoq, eri reqa’lenelab’ ri Subdirección General rech Análisis rech Información Antinarcótica (SGAIA) ri’ uq’ab’il ri Wokajil Ajchajin Tinamit (PNC) xkib’an k’i taq puqtzukunem pa Livingston, Izabal; Momostenango, Totonicapán; jacha’ pa San Luis xuquje’ pa Las Cruces, Petén ri’.
Eri e antinarticas ri’ xekowon che uporoxik 46,034 chi tiko’n rech coca, xuquje 18,184 raqan ichaj tiko’n rech marihuana ri’. Eri peraj taq tiko’nib’al ri’ are xriqitaj pa taq ri k’ache’laj che ri k’ot wi b’e rech kab’an ri opanem chi la’ pa taq rulewal taq tinamit ri’. Eri xriqitajik kab’ixik eri rajil qaraj are Q7,279,340 ri’.
Eri xporoxik ri’ are la’ jun nim kaq’atexik nik’aj molaj b’anol k’ax ri e’ajtikonel rech taq ri peraj taq awan tiko’nib’al ri’. Xuquje’ ri xb’antaj kowonem xq’atexik rech kopan ta chik ri awan kunb’al ri’ pa taq tinamit kuk’ ri winaqilal. Eri SGAIA pa jujun taq riqon tiko’nib’al awan kunb’al ri’ sib’alaj xkitaqij ub’anik utzilal chi ke taq ri winaqib’ che ri e jaqal pa taq ri juyub’al ri xb’an wi ri tzukunem.
Eri b’iw b’ixik kumal ri winaqilal ri’ are la’ k’o nim upatanib’al rech uq’atexik ri ajb’anol k’ax xuquje’ kak’i¿oji ri tinamit winaqilal ri kub’al k’u’x ri’. Rumal ri’ chi paq’ij chi chaq’ab’ ri’ ya’tal le ch’aweb’al 110 rech PNC, le 1561 rech Crime Stoppers, xuquje’ le 1577 rech antinarcótica, kaya loq ub’ixik chi upam ri’.