Eri reqa’lenelab’ ri Subdirección General rech Análisis rech Información Antinarcótica (SGAIA rech ri Wokajil Ajchajin Tinamit (PNC) xkiporoj ri nab’e utiko’nib’al ri awan kunb’alil ri pa ronojel k’o 23,439 chi raqan ichaj tikom rech marihuana ri’, are la’ xb’antaj pa jun puqtzukunem xb’an pawe q’ij ri’ pa le uq’ab’ tinamit rech Las Cruces, Petén ri’.
Eri pwaq rajil xajilax ri’ rumal ri SGAIA, kub’ij eri awan kunb’al ri’ eri rajil are kopan pa Q8,789,625 pa le awam k’ayib’al rech ri’ ri maj pa usaqil, are la’ junam ruk’ jun nim uq’atexik ri kirajil kipwaqil nik’aj molaj b’anol k’ax che ri keriqitaj pa amaq’ tinamit ri’.
Eri PNC kub’ij, eri awam utiko’nib’al awan kunb’al pa taq nim peraj taq juyub’ e k’o panoq pa le uq’ab’ tinamit ri’. Rumal ri’, eri wokajil antinarcóticas xkib’an ri puqtzukunem pa taq le peraj juyub’ rech xriqitaj wi loq.
Te k’u ri’, xb’an uporoxik ri ichaj tiko’n rech awan kunb’al ri’, jacha ri xutaqon wi ri Taqanem ri’.
Eri q’atb’al tzij recn taq taqawokajil sib’alaj xkiya utzijol che ri kupatanij ri ya’olchajinem ri’ ruk’ ri kaq’atexik ri narcotráfico ri’. Xuquje’ sib’alaj xkitzuj chi ke ri winzaqilal rech ketob’ik che ub’ixik pa awalik pa taq le ch’aweb’al b’ixik ya’tal apan kumal ri q’atb’al tzij ri’: pa le 110 rech ri PNC, pa le cha’web’al b’ixik antinarcótica 1577 xuquje’ pa 1561 rech Crime Stoppers ri’.