Eri reqa’lenel ri Sección rech q’atenel ri Trata de Personas ri’ rech ri División Especializada rech Investigación Criminal (DEIC) uq’ab’il ri Wokajil Ajchajil Tinamit (PNC), pa le kato’ik ri Fiscalía rech Q’atel ri Trata de Personas ri’ rech ri Ministerio Público (MP), paq’ij 24 rech abril, k’o lajun chi b’anoj tzukunem xkib’an pa kachoch winaq ri’, rech xkisolij xuquje’ rech xk’am b’i ri jastaq q’alajisab’al ri k’ax tajin utzukuxik uwach pa San Marcos, Tz’oloja’, Chinab’jul, Suchitepéquez, Xe’laju’ xuquje’ pa Iximulew ri’.
Eri ub’ixik kumal ri’ ajchajil tinamit eri b’anoj tzukunem are utaqim utzukuxik juntir ri q’alajisab’al uwach ri k’ax achk’ulaj b’anoj chi kech ri ak’alab’. Xuquje’ rech kataq kichapik ri kakib’an ri k’ax ri’.
Eri puqchajinem tzukunik ri’ are la’ xb’antaj pa keb’ q’ij kanoq kumal reqa’lenel ri comisarías xuquje’ ri unidades especializadas rech ri PNC, rumal ri’ xb’antaj kowonem xechapik e 75 chi winaqil rumal jalajoj ri kimak xuquje’ xriqitaj wuqub’ chi k’aqb’alil. Ruk’ keb’ ch’ich’ xuquje’ oxib’ ci kejach’ich’ ri kab’ixik e eleq’am b’i.
Rumal ri’ eri q’atb’al Tzij xkib’ij eri winaqil ya’tal rech we k’o kakib’ij loq pa le 110 rech PNC, pa le 1561 rech Crime Stoppers, pa le 1574 rech antiextorsiones xuquje’ pa le 1577 rech antinarcótica, rech kakiya loq ub’ixik kitzijol ri e banol k’ax ri’. Eri ub’ixik ri’ pa aninaqil kab’an uchomaxik kumal ri sak’ajil ajchajinelab’ ri’.