Are la’ rech kaya jun nim uchuq’ab ri ya’olchajienm pa taq nimaq’ij rech pa k’isb’al junab’ xuquje’ pa le majb’al ri k’ak’ junab’ 2024, rumal ri’ eri Unidad Aérea rech ri Ministerio rech Gobernación (Unagob) pa le 331 rech diciembre xkib’an ri ya’olchajinem pa kaqiq’ ri’ rech xetob’anik pa le ya’olchajinem tzukunik xb’an kumal ri 43 mil chi reqa’lenelab’ ri Wokajil Ajchajil Tinamit (PNC) pa taq rulewal qatinamit.
Eri b’anoj chajinem tzukunik are xb’an pa komonchak rumal ri Unidad Aérea xuquje’ kuk’ ri wokajil ajchajil tinamit pa taq ri k’olib’al uxlanb’alil, pa taq k’olib’al ilem ka’yem xuquje’ pa taq uxlanb’al rech wa’kateb’al pa rulewal qatinamit. Are rech ri’ xtaqixik uq’atexik ri b’anoj k’ax xuquje’ rech xb’an kachajixik ri winaqilal rech qatinamit kuk’ ri winaqib’ kepe naj ri xe’opan pa wa’katem ri’ pa k’isb’al nimaq’ij xuquje’ ri k’ak’ junab’.
Xuquje’ k’o ri k’olib’al chajinem kojom pa taq ri k’aqb’e saqab’e xuquje’ pa taq nimab’e pa qatinamit, chi la’ k’ut eri wokajil ajchajil tinamit xkil kitzijol ri winaqil ri’ rech xkilo we man k’ot taqom kichapik, we man k’ot Itzel jastaq keqam ri’ rech man k’ot kakikoj pa b’anoj k’ax pa le nimaq’ij ri’.
Eri q’atb’al tzij xkib’an jun sik’inem ub’ixik chi ke konojel ri winaqilal rech rajwaxik kakilo kib’ xuquje’ rech kekaj taj pa kq’ab’ ri e ajb’anol k’ax rech man k’ot ri k’ax kakiriq pa nimab’e. Rumal ri’ xb’ix chi ke rech kech’aw loq kakib’ij loq pa le 110 rech ri PNC xuquje’ pa 1561 rech Crime Stoppers, ri are la’ k’o panoq rech kakib’ij loq we k’o ri k’ax kakilo kab’anik.