Eri komon chakunem xb’antaj kumal ri reqa’lenelab’ ri Comisaría 33 xuquje’ kuk’ reqa’lenelab’ ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajin Tinamit (PNC) are xuya pa retal rech xb’antaj kowonem xriqik ri 158 chi pisob’al ruk’ awam kunb’al ri’ pa rulewal ri tinamit rech Nahualate, Suchitepéquez ri’.
Eri awam kunb’al ri’ are la’ xriqitajik pa taq le tzukunem xb’an pa jun pickup ruk’ ri uplacas P-760HZC, are chi’ xch’ikima’yik pa nimab’e pa le kil’ometro 136 rech ri nimab’e CA-2 ri’. Are chi’ xsolix pa le b’insal ch’ich’, eri ajchajinel e’ajq’atenel awam jastaq kunb’al xkiriq jun tasb’alil ruk’ awam kunb’al pa le ch’ich’ ri’.
Eri wokajil ajchajin tinamit xkib’an retaxik rilik jas ri k’o chi upam taq ri pisob’al, are xriqitaj chi upam taq ri cocaína ri’. Eri jun eqa’n rech awam kunb’al ri’ are la’ xpis b’i kumal ri q’atb’al tzij rech ri MP, rech kakiq’alijsaj utzijol upetib’alil ri’.
Pa k’isb’al ri’, eri awam kunb’al pa taq helicópteros rech ri Unidad Aérea rech ri Ministerio rech Gobernación (UNAGOB), k’a pa Suchitepéquez ri’, xk’am b’i pa taq k’olib’al rech ri SGAIA pa le zona 6 rech uk’u’x nimatinamit, rech xk’am b’i xkol chi la’, rech xpajik xuquje’ rech kaporox chi la’ k’ut.
Eri q’atb’al tzij xkib’ij, are chi’ xkaj xkito’o ri winaq pa le jun ch’ich’ uplacas P-640KYZ, rumal xch’ikima’y chi la’, xa’ xkik’aq ri e’ajchajin tinamit chi la’, rumal ri’ xsokotaj jun rajchinel ri PNC. Eri kich’ich’ nik’aj b’anol k’ax ri’ xkitzaq kanoq chi la’ pa jun finca pa Río Bravo, chi la’ k’ut xchap wi loq jun winaq ri xub’an ri k’aqanik. Tajin b’a’ uq’alajisaxik uwach ri’.