Pa jun puqtzukunem xb’an pa k’ulb’a’t juyub’ pa amaq’ tinamit kumal reqa’lenelab’ ri Wokaj Ajchajinelab’ pa taq Puertos, Aeropuertos xuquje’ pa K’ulb’a’til pa amaq’il ri’ uq’ab’il ri Wokajil Ajchajin Tinamit (PNC) xkiq’atij jun ch’ich’ rech reb’al ruk’ jastaqil rech kak’ayixik ri maj tojb’al b’anom tane’ chi rij ri xriqitaj loq pa uqajib’al q’ij rech ri amaq’ tinamit.
Eri b’anow q’ateb’al ri’ are la’ xb’antaj pa le kilómetro 245.8 rech ri uq’ab’ tinamit rech Pajapita, San Marcos ri’, chi la’ k’ut xchapataj wi loq jun achi ub’i’ a Antonio “N”, ri ub’insam ri jun ch’ich’ ri’.
Are la’ xya’taj utzijol, eri ch’ich’ rech reb’alil le rilik b’anom xa’ kujacho jastaq oqxa’nib’al; are chi’ xb’an usolixik xq’alajinik chi k’o 40 chi kaxonil rech pimawuj ruk’ jalajoj awam jastaq reqam b’i.
Eri jastaq rech k’ayib’al ri’ k’o atz’iyaqb’alil, xajab’, jastaq rech pa nimaja, ilowachib’alil xuquje’ ch’aweb’alil ri k’o nim uchuq’ab’il, are ri’ ri xriqitaj kumal ri q’atb’al tzij, ri xok loq pa rulewal amaq’ tinamit k’a pa México ri’ ri man k’ot pwaq xtoj chi rij ri’.
Eri rajil kab’ixik are kopan pa le Q302 mil 158 ri’, are xuq’alajisaj uwach ri pwaqil rajil taq ri jastaq maj uwujil pa amaq’ tinamit. Rumal ri’ eri q’atb’al tzij xkiya utzijol che ri jastaq ri’ are la’ xk’am b’i pa taq ri k’olib’al jastaq rech ri Aduana II Tecún Umán, pa Ayutla, San Marcos, chi la’ k’ut pa amaq’el kak’oji wi rech kaq’alajisax uwach utzijolil kumal taq ri q’atb’al tzij ri’.