Eri nab’e ajchajin tinamit xya’taj uwujil rech kub’inisaj xik’ach’ich’, rumal ri Programa rech Aviación, rech ri Unidad Aérea rech ri Ministerio rech Gobernación (Unagob), pa jun riqonem nim upatanib’al ri’ xkoj pa le kab’inisaxik xik’ach’ich’ pa Iximulew. K’a are chi’ xtijoxik k’a pe ub’inisaxik ri xik’ach’ich’ ri’ are la’ k’o nim upatanibal chi ke ri e ajb’inisal xik’ach’ich’ rech chuwe’q kab’ij pa qatinamit rech pa b’anoj chajinem pa kaqiq’ cho kaj ri’, rumal ri Unagob.
Eri wujilal ri’ are la’ kub’an nim tijonem chi ke ri eqa’lenelab’ che ri kakitijoj kib’ che e ajb’inisal xik’ach’ich’, rech kena’w k’ut che uriqik ri ilonem pa aninaqil xuquje’ pa le uq’atxik ri e molaj b’anol k’ax pa rulewal q’atinamit. Eri jun loq’ b’anonem ri’ are la’ katob’anik rech kak’extaj uwach upatan ri Unago, rech qas pa le upatanexik ri ya’olchajinem xuquje’ ri utzilem chi ke ri winaqilal pa tinamit.
Eri Unagob are ub’anom jun nim chajinem winaqilal xuquje’ uq’atexik ri e molaj b’anol k’ax. Pa chanim k’ut e k’o chik e job’ chi q’eb’u’t (helicópteros) ruk’ jun ala xik’ach’ich’. Are la’ chakub’al rech kekojik pa amaq’el kumal ri e ajb’inisal xik’ach’ich’ ri ya’tal kiwujilal, pa le uya’ik uchuq’ab’ ri puqchajinem tzukunik pa kaqiq’ cho kaj, rech ub’anik pa ucholalejil ri jikom taqanem pa tinamit.
Xuquje’ xya uchuq’ab’ ri kub’al k’u’x chi ke ri wianqil pa tianmit rumal k’ut pa aninaqil chik ka’ilonik ri Unidad ri’, ruk’ wa’ are kuk’utu chi k’o jun nim ilonem chomanik kab’an pa aninaqil ri’ pa rulewal qatinamit.